Chapter 55

MALAPIT nang sumapit ang hatinggabi nang makabalik sila ng mansiyon. Matapos bumaba sa sasakyan ay inalalayan niya ang asawa sa paglalakad at maging hanggang pag-akyat sa hagdan.

"Careful!" anas niya nang bahagyang magkamali ito ng tapak.

Sa halip na tumugon ay naghikab lamang ito. Halatang antok na antok na nga. Inalalayan na lamang niya itong mabuti. Agad na niyang binuksan ang pinto ng silid ng kuwarto nila.

"Mag-half bath lang muna ako bago matulog," anito.

"Do you want me to go with you?"

Kunot-noong tumingin ito sa kaniya. "And what are you thinking about, Gian McCollins?" taas-kilay na nitong tanong. Pinamaywangan pa siya nito.

"Wala ah." Dahan-dahan siyang lumapit dito. "Sasamahan lang kita para may bantay ka sa loob." Ipinulupot niya ang dalawang braso sa baywang nito at ipinantay ang mukha.

"Ako'y tigil-tigilan mo, Gian, ha! Kanina pa ako inaantok--"

"Then let's go to bed."

"Maliligo nga muna ako at kanina pa ako nanlalagkit."

"Sabay na nga tayo." Nagpapungay siya ng m