Chapter 45

Paroo't parito si Sylvia, tuliro ang kanyang isipan. Hinayaan niyang makapag-usap ang mag-asawa pero sa huli ay nagpasya ang manugang niyang lisanin muli ang mansyon. Hindi siya pumayag na mag-isa itong magbyahe kaya inihatid ito ni Dan. Kanina rin ay nakatanggap siya ng tawag mula sa hospital na pinagdalahan kay Gwen. Ayon sa nurse na nakausap niya'y matagal na siya nitong kinokontak, nasermunan pa siya dahil sa agarang paglabas ng manugang niya kahit walang pahintulot ng hospital. At ngayon ay nasa loob siya ng office ng doktor na sumuri sa manugang niya. Hinihintay lang niya ito dahil may importante itong sasabihin. Kinakabahan siya sa posibilidad na mangyayari. What if, may malaki palang pinsala itong natamo mula sa aksidente? O kaya ay may malubhang karamdamang nakita ang doktor?

Mariin siyang napapikit sa isiping iyon. Hindi na niya kakayanin ang labis na pagdurusa ng anak. Alam niyang masasaktan na naman ito sa oras na malaman ang posilibidad na mangyayari kay Gwen.

"Mrs. McCo