Chapter 18: 24/7

Kabanata 18

24/7

"Matatagalan pa bago makalabas ang Papa mo, anak. Bagama't naging matagumpay ang operasyon niya subalit sinabi ng doktor na kinakailangan pa ng malalim na pagsusuri sa kalagayan niya..." napahinto saglit si Mama at naramdaman ko pa ang malalim na hininga niya sa kabilang linya bago siya nagpatuloy sa pagsasalita.

"Maaring magkaroon siya ng panibagong operasyon iyan ang sinabi ng doktor, anak. H-Hindi ko na alam kung saan pa tayo makakahanap ulit ng malaking pera." Ramdam ko pa ang panginginig sa boses ni Mama.

Sumikip bigla ang dibdib ko sa narinig "Huwag po kayong mag-aalala sa pera Ma. Mahahanapan po natin iyan ng solusyon. Gagaling po si Papa."

Nang matapos ang tawagan namin ni Mama ay roon ko lamang naramdaman ang mga luhang gustong kumawala kanina pa.

"Mia? Matagal ka pa diyan?"

Agad kong pinahiran ang magkabilang pisngi ko nang marinig ang boses ni Tita mula sa labas ng aking kuwarto.

"Lalabas na po!" Kinuha ko ang aking maliit na back pack na nakasabit