Chapter 24: Past

Kabanata 24

Past

Tulala ako habang pinagmamasdan si Lola na lumalabas ngayon. Parang natunaw ang puso ko sa sinabi niya. Gusto ko siyang yakapin dahil namiss ko na rin siya pero hindi puwede baka mahalata pa ni Lola ang totoong pagkatao ko. Kasalukuyang tatlo nalang kami ang naiwan sa loob. Si Chadrick, Georgia at ako. Napabaling lang ako kay Georgia nang lumapit siya sa akin. Pinagkrus pa nito ang magkabilang braso nang magkaharap kami.

"Hindi ko alam kung ano ang pumasok sa isip ni CD para tanggapin ka bilang bodyguard niya. Hindi ba ito delikado sa'yo? Sa inyong dalawa? Tingnan mo nang dahil sa kapabayaan mo napahamak siya," dismiyado niyang sinabi.

"The fact na male bodyguard ang hinahanap namin ay nagpanggap ka pa talaga bilang isang lalaki para lang sa trabahong ito?" dugtong niya at napailing pa.

May point si Georgia. Pero sa panahon ngayon ay minsan hindi puwedeng walang kapalit. At isa pa ay wala akong ibang maisip na paraan para makakuha ng malaking halagang pera para sa