Chapter 22

TANGHALI na nagising si Anastacia kinabukasan. Mabilis siyang naligo at lumabas ng silid. Naabutan niya ang pagkain sa mesa na mukhang kanina pa inihanda ni Carla. Malamig na ang sinangag at nilalanggam na ang itlog at hotdog. Sumimangot siya saka dinampot ang kapirasong pinilas na papel na nadadaganan ng plato.

'Pumasok na ako sa trabaho, bakla. Kainin mo 'yang pinaghirapan ko kung ayaw mong palayasin kita. Char! Cheer up, my friend. Love, Carla na maganda at mas maganda pa sayo. Che!'

Natawa si Anastacia sa sulat na iniwan ng kaibigan niya. Naiiling na inalisan niya ng langgam ang ulam saka nagtimpla ng kape. Pangiwi-ngiwi siya habang kumakain dahil malamig na ang kinakain niya.

Pagkatapos kumain ay agad nagpunta si Anastacia sa hospital. Nagulat siya nang marinig na nakikipagtalo ang kaniyang ama sa doktor na nakaassign dito.

"Mas mapapabuti ako kung hahayaan niyo ako. Ayoko na dito sa hospital. Nagsasawa na ako sa amoy ng hospital!" Pasinghal ang pagsasalita ng kaniyang ama.

Nakag