Chapter 85

Pagka alis ni Miss Tanya, siya namang pagdating bigla ni Junisa.

"Huy! Bakit hindi ka pa bihis?" aniya habang nakangiwing nakatingin sa akin.

"Kakaalis lang ng quintuplets," sabi ko sa kaniya. Lumabi siya at pagkatapos ay tinaasan ako ng kilay.

"You okay? 1 week malalayo ang mga anak mo sa'yo."

Tumango ako. "Oo naman. Kasama naman nila si attorney." Sabi ko at pinagbuksan siya ng gate.

"Oh? Nag text na ba si Rod?" umiling ako. Alam niya kasing hindi ako tini-text na ni Rod at one week na. Though hindi naman ako kinakabahan.

"Feeling ko sinadya niyang hindi ako e text," natatawa kong sabi.

Umiling siya at kinuha ang tasa ng kape ko na dinala ko pa sa labas.

"Balita ko nailipat na sa pangalan ni Clarissa ang 40% shares ng MGC." Ang sabi ni Juni kaya bumaling ako sa kaniya.

"Talaga?"

"Iyon ang narinig ko kay Symon. Pero huwag mo na ngang isipin ang buhay ng ex-wife ni Rod. Mag focus ka nalang sa pamilya mo."

Hindi naman sa nangingialam ako, pero kasi, ang sabi, malilipat lan