Chapter 48

Amelia's POV

"Well, well, well, ang ganda pa naman ng araw ko pero nasira lang. May dumating kasing masamang ihip ng hangin. Nakakalason, hindi tuloy ako makahinga."

Napatigil si Alyana sa paglalakad. Tanging ingay ng kaniyang sandals ang maririnig sa apat na sulok ng Empire company.

Nakakatakot naman ang kaniyang suot na sandals. Parang nang bubugaw ng kaniyang kasalubong. Dapat ba akong matakot?

Nasorpresa siya nang makita ang pagmumukha ko. Parang nagtataka siya kung bakit nandito ako sa Empire company?

Pwes! Siya naman talaga ang sinadya ko. Gusto kong guluhin ang tahimik niyang buhay. Gusto kong gawing itong isang impyerno dahil iyon ang gusto niya. Ang magkagulo ang pamilya namin.

"Ako ba ang pinaririnigan mo Amelia? Wala naman ibang tao rito ha. Ang ganda ng panahon masukal na agad ang naririnig ko sayo. Galing ka ba sa kalye? Kasi kasing baho ng kalye ang mga lumalabas sa bunganga mo."

Bahagya akong natawa dahil sa mga paandar ni Alyana. Hindi na bago sa akin yon. Matinik si