CHAPTER 5-GUTS

"Nagkakilala na ba tayo?" Malumanay na tanong ni Estrella kay Oliver.

Mas lalong naguluhan si Oliver kung ano ba ang nais nitong iparating. "No. Ngayon lang kita nakita."

"Seven years ago? Isa ka ba sa dumalo sa party ng pamilya Chua?" Nauutal pa niyang tanong, umaasang malalaman kung tama ba ang kanyang hinala.

Wala namang maalala si Oliver sa nangyari noon kaya siya napailing. "Are you trying to distract me, Estrella?" Isip niya na baka pinapaikot lang siya nito para hindi niya ituloy ang gagawin. "Stop it. Hindi mo ako mapapaikot sa mga salita mo."

"Just answer my question and hahayaan kitang gawin ang gusto mo. Nandoroon ka ba sa gabing iyon??" Pag-uulit ni Estrella.

Pansin ni Oliver na seryoso ito kaya sinubukan niyang alalahanin ang nakaraan na pumunta siya sa mansyon ng mga Chua. Wala siyang maalala dahil sa dami niyang napuntahan pero magsisinungaling siya para makaisa.

"Wala akong maalala but maybe, I was there." Sagot ni Oliver.

Ramdam ni Estrella na pinaglalaruan lamang siya nito pero gagamitin niya ang pagkakataong ito para makalapit sa lalaki para alamin ang totoo.

Hindi man sigurado si Estrella pero ramdam niyang nakita niya na si Oliver dati. Tingin niya na isang posibilidad na baka siya lang pala ang ama ni Catherine.

Sa sumunod na segundo, nagdikit ang kanilang mga labi at napipilitan lamang si Estrella na sabayan ito. Sumasagi pa rin sa utak niya ang asawang naiwan sa mansyon. Mabigat sa kanyang loob na pagtaksilan si Nicholas kahit na wala siyang nararamdaman para dito.

Nanginig ang mga binti ni Estrella nang sapilitang ibuka ni Oliver ang mga ito. Gusto niya itong pigilan pero parang nadadala na rin siya sa sensasyon na ipinapadama niya.

"Oliver..." Pigil ni Estrella. Huminga siya ng malalim bago nagpatuloy. "Papaano kung may makaalam nito??" Pag-aalala niya.

"Ako na ang bahala." Naiinip na si Oliver na itinanggal ang sinturon. Para siyang isang uhaw na hayop na matagal ng hindi nakakakain ng laman.

Mariin na napapikit si Estrella nang maramdaman ang bagay na ipinuwersang ipasok sa kanyang sensitibong bahagi.

Unti-unting binilisan ni Oliver ang kanyang paggalaw sa ibabaw hanggang sa mas lalo siyang uminit.

Napatakip ng bibig si Estrella na ayaw gumawa ng ingay at tiniis niya muna ang sandaling ito upang maisakatuparan ang plano.

Pagdaan ng ilang minuto, nakaraos din si Estrella na nananatiling nakahiga sa kama, naubusan din siya ng enerhiya. Napatingin siya sa orasan sa dingding at nakitang alas-onse na ng gabi, hinahanap na siguro siya ni Lola Conchita doon sa mansyon.

Napabangon siya sa kama at pinulot ang damit niyang nagkalat sa sahig. Habang nagbibihis, nakita niya si Oliver na nakatayo malapit sa kanyang desk na kumukuha ng alak. Suot nito ang itim na pants pero wala itong suot na pang-itaas.

Makikita ni Estrella ang matikas niyang pangangatawan at nakakamanghang pagmasdan ang pigura nito ngunit naiinis lang siya sa katulad niyang lalaki na ginagawang laruan ang mga babae.

Tumayo na si Estrella sa kama para lumabas ng kwarto pero napahinto siya ng magsalita si Oliver.

"Wala akong maalala na nakita ko ang pagmumukha mo sa lugar ng mga Chua, ang sabi sa akin ni Nathan matagal kang naninirahan sa Germany." Aniya. Ipinatong niya ang inumin pabalik sa mesa at humarap kay Estrella. "At ano bang nais mong malaman? Baka may maitutulong pa ako sayo."

Hindi na siya tiningnan ni Estrella na nakahawak sa doorknob. "Wala. Basta tumupad ka sa usapan natin. Huwag mong tutulungan si Nathan."

"I'm a man of words, Estrella. Wala kang dapat na ipag-alala." Tugon ni Oliver pero mayroong pagka-sarkastiko sa kanyang boses.

Bago tuluyang umalis si Estrella tinapunan niya muna ito ng isang tingin na nagbabanta. "Don't dissapoint me, Oliver."

Paglabas niya sa kwarto, hinanap niya ang waiter na kausap niya kanina para isauli ang sinuot na damit.

"Bakit ka po natagalan ma'am?" Napatanong ang waiter na napansin na isang oras siyang nawala.

Hindi na ito sinagot ni Estrella na natapos magbihis ng orihinal na damit. Mabilis siyang lumabas doon sa bar at nagmaneho muna papunta sa apartment na tinitirhan ng anak. Nais niya itong samahan ngayong gabi para matulog.

Kinabukasan, nagising si Estrella mga tanghali na dahil napuyat matapos ang pagpunta sa bar. Namaalam siya sa anak at bumalik sa mansyon para tingnan si Nicholas na ganoon pa rin ang lagay. Tinitingnan naman ito ng kanyang personal doctor na si Dr. Sanchez.

Pag-alis ng doctor, naiwan si Estrella na nagbabantay kay Nicholas. Hindi niya maiwasan na makaramdam ng pagkakonsensiya dahil sa nagawa niyang kasalanan sa mismong araw pa ng kanilang kasal.

Nag-vibrate ang phone niya sa bulsa at nakatanggap siya ng tawag mula kay Wendy.

"Kamusta ang pagpunta niyo kagabi, madame?"

"Ayos lang naman. Nakausap ko na si Oliver Tan at buting pumayag siyang huwag makipagsundo kay Nathan." Sagot ni Estrella. Hindi niya na ikinuwento ang nangyari sa kanila ni Oliver, ibabaon niya nalang iyon sa limot.

"So how did you persuade him? Ang alam ko po mahirap pakiusapan si Mr. Tan at hindi siya basta-bastang nakikipag-ugnayan ng walang-"

Pinutol siya ni Estrella na ayaw ng pag-usapan ang tungkol doon. "Gusto kong tingnan mo ang past history ni Oliver Tan sa pamilya Chua, pitong taon ang nakakaraan."

Hanggang ngayon, hindi pa rin mawala sa isipan ni Estrella ang posibilidad na si Oliver ang lalaking nakabuntis sa kanya. Malinaw na hindi si Nathan ang nakabuntis sa kanya dahil wala itong kakayahang na magkaroon ng anak. At ang tanging nagpa-alala lang kay Estrella sa taong iyon ay ang amoy ng pabango na naamoy niya mula kay Oliver.

Malakas ang kutob niya sa lalaki pero kailangan niyang mangalap ng sapat na ebidensya para patunayan na ito nga ang ama ng kanyang anak.

Minsan binabanggit sa kanya ni Catherine ang tungkol sa ama at nagsisinunggaling lamang siya na patay na ito. Masakit para sa kanya na kahit ibigay niya ang buong pagmamahal bilang ina, maghahanap pa rin ito sa kalinga ng ama.

Hindi na alintana para kay Estrella kung sino man ang lalaking iyon, ang mahalaga malaman niya kung sino siya at kung may koneksyon ba siya kay Janice na nagplanong may mangyari sa kanya noon.

"Madame, medyo mahirap pong i-check ang history ni Mr. Tan. Sobrang hirap niyang hanapin, pero I'll try my best na alamin ang lahat."

Pagbaba ni Estrella ng phone, nakita niya si Yaya Merrill paglabas niya sa pinto.

"Ma'am, hinihintay ka po ni Madame Conchita sa ibaba." Aniya.