CHAPTER 10-LIAR?

Tinawanan lamang ni Estrella ang hapdi na naramdaman niya sa kanyang pisnge. "Oh? Bakit ka galit? Akala ko ba haka-haka lang ang mga iyon?"

Nagugustuhan ni Estrella na makita sa mga mata ng dating step-sister na guilty ito sa mga nagawa niya sa pamilya De Silva.

Nanigas si Janice sa kanyang kinatatayuan habang pinipigilan ang mga namumuong luha sa mata. Sobrang triggered siya sa tuwing binabanggit ang tungkol sa mga taong kanilang pinaslang kapalit ng mga nakaw na yaman.

Magmula noong nagkaroon ng malubhang sakit ang ama ni Estrella na si Don Miguel De Silva, kinuha kaagad iyon na opportunidad ng ina ni Janice na si Beatrice Meneses para kunin ang mga yaman ng pamilya. Naging kasabwat din si Janice na patumbahin si Lauren at sa tulong ni Nathan, napagtagumpayan nila ng kanyang ina na alisin ang pangalan nila ngunit hanggang ngayon, hindi niya mapagkakaila na usap-usapan pa rin sa kanilang bayan ang biglang pagkawala ng pamilya De Silva.

"Wala kang pinagkaiba sa mga bobong tao na g