CHAPTER 229

“ANO NAMAN YAN?” Nakasimangot na tanong ni Arlyn sa kanyang Tito Jaypee nang iabot nito sa kanya ang kulay itim na damit.

            “Abaya.  Isuot mo ‘yan para walang makakilala saiyo.  At least nakatakip na ang buong mukha mo dyan.  Mata lang ang kita saiyo, mas madali ka ng makakakilos nyan,” anito sa kanya, “Simula ngayon rin, masanay ka na sa pangalan mong Aisha.”

            Ini-inspect niya ang mga damit.

            Naisip niyang malaking bagay ang damit na iyon para makagala siya sa buong Metro Manila na hindi nag-aalala nab aka may makakilala sa kanya.  Nasasabik na siyang makita si Gabriel.  Gusto sana niya itong masilayan kahit na paano.  Bakit nga ba sa kabila ng lahat, hindi niya magawang tuluyang magalit dito?