CHAPTER 230

“ISA-ISA raw niya tayong pinapatay. . .pagkatapos, si Stacey iyong pinakahuli,” kwento ni Olivia kay Tonet. 

            Hindi makapaniwala si Tonet sa naririnig.  Halos ganuon rin ang napanaginipan niya tungkol kay Arlyn.  “S-Sa panaginip ko, si Stacey rin ang pinakahuli niyang pinatay, pagkatapos niya tayong pagpapataying lahat,” nangingilabot na sabi ni Tonet dito, pinispis niya ang kanyang mga braso dahil nagtindigan ang mga balahibo niya.  Paanong nangyaring halos iisa ang panaginip nila ni Olivia?

            Hindi kaya isang masamang pangitain na iyon?

            “Hindi ako matatahimik hangga’t hindi siya nahuhuli,” sabi ni Olivia sa kanya, “Kailangang tulungan natin ang mga pulis sa paghahanap sa kanilang dalawa ng Uncle nya