CHAPTER 226

HABANG nagkakagulo ang lahat sa shooting nina Coco Martin at Julia Montes, sinamantala naman ni Arlyn ang pagtakas.  Kahit nahihirapan ay nagawa niyang sampahin ang bintana at makapagnakaw ng nakasampay na damit sa bintanang nadaanan lang niya habang naglalakad.  Nagmamadali siyang nagpalit ng damit.

            Hindi niya alam kung papaano niya nagawang makalabas ng ospital, nagmamadali siyang pumara ng tricycle at nagpahatid sa pawnshop para isanla ang suot niyang kwintas at wedding ring.

            Ilang sandali pa at nasa tapat na siya ng isang pawnshop.  Ayaw sana niyang isangla ang kanyang wedding ring ngunit kailangan talaga niya ng pera.  Nanginginig na hinubad niya ang suot niyang singsing. 

            “Miss, isasanla ko sana,” tipid na sabi niya sa bab