CHAPTER 214

NABALITAAN NI JAYPEE ang nangyari kay Arlyn kaya nagmamadali siyang tumakas papuntang Tawi-tawi.  Mabuti na lamang at may mga kaibigan siyang muslim sa Sitangkay.  Siguro naman ay tutulungan siya ng mga itong itago dahil malaki ang utang na loob ng mga ito sa kanya nuong nagsisimula pa lamang ang mga ito sa negosyo.

            Gusto pa sana niyang balikan ang anim na milyon sa bahay ni Arlyn ngunit nag-aalala siyang baka mahuli pa siya ng mga pulis kapag ginawa niya iyon.

            Kung bakit naman kasi nagpapaniwala siya sa Glenda na iyon at sa sira ulong tiyuhin nito na ubod ng tanga.

            Umpisa pa lang naman ay wala na siyang tiwala sa mga iyon, hindi talaga niya alam kung bakit napabola siya.  Nagtapon lang siya ng twenty thousand pesos sa mga sirang ulong iyon.  Ng