CHAPTER 164

MAAGA pa lang ay nakabihis na si Gabriel.  Ang balak sana niya ay makipagkita muna kay Carlo bago pumasok sa opisina kaya nagulat siya nang nagbihis rin si Arlyn at nagpapasama sa kanya papunta sa OB-gyne nito.  Wala siyang nagawa kundi samahan itong magpa-check up.  Siiguro ay ihahatid na lang niya ito pauwi ng bahay pagkatapos.

            Ayaw niyang marinig nito ang lahat ng mga itatanong niya kay Carlo.

            Ewan pero pakiramdam niya ay hindi para dito ang engagement ring na ipinagawa niya.  At bagaman kumbinsido na siya na nag-aalala lamang ito sa kanya kaya gusto nitong ma-check kung sino talaga si Carlo, gusto pa rin niyang makausap si Carlo nang hindi nito alam.

            Napakaraming gumugulo sa utak niya.

        &