CHAPTER 163

KANINA pa niya pinagduduhan ang mga kilos ni Arlyn nang mapansin niyang tila nagsasakit-sakitan lamang ito kaninang makita nila si Carlo.  Hindi niya alam kung ano ang tumatakbo sa utak ni Arlyn.  Pero may hinala siyang may gusto itong itago sa kanya kaya naman siniguro niyang nasa short na suot ang calling card na ibinigay sa kanya ni Carlo.

            Kailangan niyang makausap si Carlo.

            Hindi na niya nagugustuhan ang nangyayaring ito sa kanya.

            Pakiramdam niya ay minamanipulate na ni Arlyn ang buhay niya.  Baka may kinalaman rin ito sa madalas na pananakit ng ulo niya.

            What if nilalason na pala siya nito ng hindi niya alam?  Kailangang maging maingat siya.  From now on ay hindi