CHAPTER 170

“GABRIEL. . .” Yumakap sa likod niya si Arlyn ngunit nayayamot na ipiniksi lamang niya ang mga braso nito saka kinuha ang mga gamit sa cabinet.  Hindi niya ito mapapatawad sa ginawa nito sa kanya.

            “What are you doing?”  Nagtatakang tanong ni Arlyn nang buksan niya ang kanyang closet at ilabas mula duon ang kanyang mga damit.

            “Ano pa ba sa palagay mo?” Aniyang kinuha ang kanyang malaking maleta at inilagay duon ang ilan niyang mga gamit.  Para siyang nasasakal sa loob ng bahay na ito.  Hindi na niya kakayaning magtagal pa siya dito.

            “No!!!” Sigaw nito, kumapit ito ng mahigpit sa kanya, “You can’t do this to me. Hindi mo ako pwedeng iwan!”