CHAPTER 176

HINDI MAPAKALI si Donya Amanda.  Alam niyang nanganganib ang reputasyon niya kapag hindi niya ginawan ng paraan na makipagbalikan si Gabriel kay Arlyn.  Ngunit kilala niya ang anak niya. Alam niyang pagdating kay Olivia, handa nitong suwayin maski ang sariling magulang.  Ngayon lang niya nakitang magmahal ng ganito ang anak niya.

            Manang-mana ito sa asawa niya.  Napakagat labi siya nang maisip kung ano ang gagawin sa kanya ni Arnel oras na mabunyag dito ang pinakatago-tago niyang lihim.  Napapikit siya.  Parang nakikinikinita na niya ang asawa.

            Bibihira itong magalit pero alam niyang ibang klase kapag nagalit ito.

            Matagal na panahon na niyang pinagsisihan ang bagay na iyon.  God, bakit hanggang ngayon ay hindi niya matakasan ang mu