CHAPTER 182

PAKIRAMDAM ni Gabriel ay gumuho ang lahat sa kanya sa rebelasyong sumambulat sa kanya.  Iniisip pa lamang niya na makukulong ang ama ay nanlalata na siya.

            Hindi niya ito masisisi kung sakaling totoo man ang ginawa nito.  Alam niya kung gaano nito kamahal ang kanyang Mama.  Siguro, ng mga panahong iyon ay nawala sa katinuan ang Papa niya.

            Tiningnan niya ang ina, “Paano mo nagawang pagtaksilan si Papa?” Hindi makapaniwalang tanong niya.  Punong-puno ng galit ang dibdib niya.  Parang hindi pa rin siya makapaniwalang ang inaakala niyang perfect niyang pamilya ay napakarami palang bahong itinatago.

            “Anak, patawarin mo ko,” Umiiyak na sabi ng Mama niya, hinawakan siya nito sa balikat pero pinalis niya iyon at mabilis na pi