CHAPTER 169

NAPAHAWAK sa kanyang ulo si Gabriel.  Unti-unting nagbabalik ang mga alaala niya kay Olivia, “God,” mahinang usal niya nang marealize kung sino ito sa buhay niya.  Nagmamadali siyang lumabas ng opisina.  Nagring ang kanyang cellphone.  Tumatawag si Arlyn sa kanya.  Napatiim bagang siya. 

            “Gabriel, saan ka pupunta? Ngayon ang presentation para sa. . .”

            “I’m sorry Ninong pero may kailangan akong asikasuhin,” aniya sa Ninong Jaypee niya, binilisan niya ang paglalakad.

            “Gabriel. . .”

            Parang walang naririnig na nagpatuloy siya sa paglalakad patungo sa kanyang sasakyan, binuksan niya iyon at pinaandar.