CHAPTER 157

GALIT na binitiwan ni Olivia ang braso ni Arlyn saka bahagya itong tinabig para pumuwesto sa harap ng salamin.

            Subukan lang ng babaeng ito na awayin siya, hinding-hindi niya ito uurungan, sa isip-isip niya habang nagreretouch ng kanyang make up.  Mula sa salamin ay nakita niyang pairap itong lumabas ng powder room.  Hindi niya alam kung matatawa o maiinis sa inasal nito.

            Alam niyang nagalit ito nang husto nang yayain siyang sumayaw ni Gabriel.

            Sabagay, maski naman siya ay nagulat sa ginawang iyon ni Gabriel.

            Bakit nga ba siya ang niyaya nitong sumayaw at hindi si Arlyn?  Muli ay naalala niya ang napakabango nitong scent.  Kanina habang nakapatong ang kamay niya sa balikat