KABANATA 80

Nagpaalam siya kay Kyle na uuwi siya sa kanila. Gusto niya kasing andu'n siya sa birthday ng lola niya. Hindi pa siya nakakauwi kahit isang beses man lang mula nang magtrabaho siya sa Maynila. Inaprubahan nito ang tatlong araw na vacation leave na ni-request niya. Gusto niya sanang imbitahan ang lalaki para maipakilala niya na rin sa lola niya pero hindi pa siya handang sabihin dito na siya ang apo ng manghuhulang kinukunsulta ng lola nito. Saka na niya pwedeng ipakilala ang lalaki sa abwela niya kapag nasabi na niya ang totoo rito. 

Hinatid siya ng lalaki sa terminal Sabado ng umaga. Ipapahatid pa sana siya ni Kyle sa driver ng mga ito pero tumanggi na siya. 

" Mami-miss kita," sabi nito sa kanya nang ihatid siya nito sa bus.

" Para namang ang tagal ko talagang mawala," natatawang sabi niya pero alam niya sa sarili na mami-miss din niya ito ng sobra.

Walang kumikilos sa kanila na parang bang may hinihintay na kung ano.

" Ahm, alis na ako