Chapter 72: Resulta ng Selos

Napaiwas na ako ng tingin. Hindi ko na alam kung saan pa ibabaling ang mga tingin para lang maiwasan sila. Nang mahagip sa gilid ng mga mata ko ang tahimik na si Josefa ay agad na umahon ang matinding inis sa dibdib ko. May kutob na ako na siya ang nagsabi sa kanila ng relasyon namin ni Chaeus na itinatago namin. Wala ng ibang gagawa noon. Siya lang dahil siya lang ang nakakaalam.

“Oh? Bakit ganyan ka kung tumingin sa akin? Uunahan na kita. Hindi ako ang salarin kung bakit nila nalaman. Huwag mo akong pagbintangan!” pangunguna niya na kaagad, hindi deffensive ang tono ng boses.

“So, Josefa matagal mo na pa lang alam na may relasyon ang dalawa?” gasgas ang tinig na harap ni Glyzel kay Josefa na napaayos na ng tayo.

Disappointed ang hilatsa ng mukha nito. Halatang nagtatampo na rito.

“Hindi. Kailan ko lang din nalaman.”

Aba at talagang hugas kamay ang gaga. Ayaw man lang damayan ako at medyo ipagtanggol sa kanila.

“Talaga ba?” si Shanael na muling lumipad na sa akin ang mga mata.

G