Chapter 112.2

SA ISIP NI PIERCE ay wala na siyang pakialam pa sa babaeng iyon kahit na makipag-date pa ito sa iba. Kapag narinig niya lang ang mga ito ay wala siyang ibang maramdaman kundi ang magalit.

Samantala, napakamot na lang naman si Liam sa kanyang ulo. Wala naman sana siyang ibang sasabihin na kundi nalaman lang din niya na sa mismong tapat lang din pala ng unit ni Miss Serene nakatira ang Mike na doktor na iyon ngunit nang makita niyang hindi maganda ang mood nito ay tumango na lamang siya. “Sige po sir.”

Nang buksan niya ang pinto ay agad siyang natigilan nang makita niya si Beatrice na nakatayo sa may pintuan. “Miss Beatrice, may sasabihin po ba kayo kay sir?” tanong niya kaagad rito.

“Wala, napadaan lang ako. Sige na, mukhang may pinapagawa siya sayo.” sabi ni Beatrice kay Liam na ikinatango lang nito at nagmadali nang umalis doon.

Ilang minuto pa siyang nakatayo doon at napapaisip sa kanyang narinig. Mabuti na lamang at naiwan nito na nakabukas ang pinto ng kaunti kaya niya narinig ang