Chapter 108.4

SI BEATRICE AY KABILANG SA pinakamalapit na pamilya ng mga Smith. May sarili naman siyang bahay ngunit tuwing pupunta siya sa mansyon ay palagi na lamang siyang pinagagalitan ng matanda. Dahil doon ay madalang na lamang siyang bumisita doon. Tyaka na lang siya nagpupunta kapag may mahahalagang mga okasyon at kapag kailangang-kailangan niya lang na pumunta doon.

Dahil nga nabalitaan niyang nagpa-opera ang matanda ay napag-isipan niya na kailangan niyang pumunta doon at kamustahin ito, ngunit hindi niya inaasahan na makikita niya ang babaeng kinaiinisan niya ng higit pa sa salitang sobra.

“Nandito ako para bisitahin si lola.” sagot ni Serene rito dahil ayaw niyang sabihin rito ang totoo kung bakit ito nandoon. Ang alam lang ng ibang tao ay may isang babaeng ipinakasal ng matanda kay Pierce ngunit hindi nila lubos alam ang pagkakakilanlan niya. Alam niya na kapag sinabi niya iyon rito ay pagtatawanan lang din naman siya nito at huhusgahan.

“Ano? Nandito ka para bisitahin si lola?” hind