Chapter 0016

Pabagsak na ibinaba ni Pierce ang baso na hawak niya at inagaw mula sa kamay nito ang bote ng alak at pagkatapos ay tumitig sa mga mata nito. “Hindi ba at nandit ka para mag-serve ng alak? O ito, inumin mo.” malamig na sabi niya rito.

Mabilis naman na ibinaba ni Serene ang kanyang ulo at napatitig sa alak. Mabilis siyang napailing rito. “Hindi ako umiinom.” sabi niya rito.

“Talaga, hindi? Sigurado ka ba? Kahit ba sabihin ko na sampung libo ang isang baso?” tanong nito sa kaniya at pagkatapos ay sumandala sa sofa na may tamad na tingin sa kaniya at mukha ding bagot na bagot ito. “Kahit makailan ka, uminom ka hanggang sa kaya mo.” dagdag pa nitong sabi sa kaniya.

Agad na nanlaki ang mga mata ni Serene dahil sa sinabi nito. Napalunok siya at napaisip. “Sampung libo ang isang baso?” ulit niyang tanong rito.

Mabilis naman itong tumango sa kaniya. Napakagat-labi si Serene ng mga oras na iyon. Sampung libo? Kung kwekwentahin ay limang araw na rin niyang sahod iyon doon ang isang baso pero h