Chapter 0014

Nang umalis si Amber sa silid ay nag-scroll muna si Serene sa kanyang cellphone at biglang may dumaan sa kanyang wall na isang post. Ang isang sikat na international club ay naghahanap ng waitress at kada gabi ay dalawang libo ang sweldo bukod pa sa magiging komisyon niya sa alak. Dahil doon ay kaagad siyang nag-message sa page na iyon upang mag-inquire. Sayang naman iyon dahil malaki-laki din iyon.

GABI na sa club na iyon. Sa loob ng isang silid ay umupo si Pierce doon na may hawak na sigarilyo sa kanyang mga daliri habang naka-dekwatro pa. Hindi nagtagal ay nakita niya ang ilang waitress na pasulyap-sulyap sa kaniya at ang mga tingin ng mga ito ay kakaiba na para bang ngayon lang sila nakakita ng kasing gwapo niya.

“Miss pwede bang tigilan mo na ang pagtitig sa kaibigan ko?” sabi ni Connor na hindi na nakapagpigil pa kung saan ay may hawak na rin naman itong babae sa tabi nito. “Alam mo bang mas malamig pa iyan sa yelo? Bakit hindi na lang ako ang piliin mong tingnan?” pilyong sabi