Kabanata 003

Ilang minuto ang nakalipas…

"Louisse...." malakas na sigaw ni Barney. Halos mapatalon ako sa pagka-gulat sa kaniya habang nakapamewang siya sa tapat ng pintuan ng aming pinaglilinisan. Nakakairita talaga tong amo namin. Noong unang mga lingo ko dito sa trabaho ay medyo takot pa ako sa kaniya, pano ba naman sa itsura pa lang niya ay matatakot ka na. Kung makatingin siya ay akala mo papatay ng tao. Pero habang tumatagal ay nawala na ang takot ko sa kaniya. Napalitan na ito ng matinding pagkainis dahil literal na bruha ‘tong si Barney. Pahirap sa buhay ko. Kung anu-ano ang inutos niya sa akin.

Pagsapit ng gabi, sobrang pagod na pagod ako.

"kamusta ang trabaho?! ininis ka na naman ba ni Barney at hindi na naman maipinta yang mukha mo?!" tanong sakin ni Dianne ng mabisita siya sa bahay.

"haist ano pa nga ba?! Ewan sa bruhang yun! Ako ang apple of the eye niya. Siguro walang tumo-torjak sa kaniya kaya hindi lang kepyas ang inaagiw kundi pati utak!” naiinis kong sabi habang nakahiga ako sa kama at nakataas ang paa ko sa dingding.

“Naku girl, baka naman inggit sa beauty mo! Trip na trip ka ee… ayaw mo pa bang mag-apply sa company namin? Hiring kami! Mag- management ka na kasi. Ano bang kinakatakutan mo? Dito ka naman talaga nababagay, saka girl, bakit hindi mo sinabi sakin na ganito ang aparmtent mo! Lumipat ka na kaya, delikado para sayo. Mag-isa ka lang dito.”

Huminga ako ng malalim at umayos ng pagkakaupo sa kama. “Amm… siguro hindi pa sa ngayon Dianne… kapag handa na akong bumalik sa amin, siguro ay babalik na ako sa management. Pero friend thank you!” nakangiti kong sabi kay Dianne.

"Hay okay fine. May magagawa ba ako?! sige na, hindi na din ako magtatagal kinamusta lang kita. Next time girl, sana naman maganda na ang apartment na tinitirhan mo! Yung grocery na dala ko , iwan ko na lang dito!”

"mmm hmmm. Sige na salamat sa pagbisita, I appreciate." sabi ko sa kaniya at hinatid ko na siya hanggang makasakay sa sasakyan niya.

KINABUKASAN

Kinabukasan dahil sa rest day ko , pinili kong bumisita sa bahay namin para sana kamustahin man lang si Mommy. Sa labas palang ay naamoy ko na ang paborito kong banana cake. Dahil wala naman ang sasakyan ni Daddy kaya naman nagmadali na akong pumasok.

"Surprise Mom!"

"ay p*****a kang bata ka! hay naku naman talaga. Muntik ko ng maitapon itong ginawa ko. Nasan ka ba nitong mga nakaraang araw? parang hindi kita masyadong nakikita?" tanong niya sa akin

Unbelievable ang mga magulang ko. Hindi talaga nila alam na umalis na ko sa bahay.

“Mmm diyan lang po sa tabi-tabi. Teka Mommy bakit mukhang puyat ka?”

Tumawa lang siya. “ alam mo naman ang dahilan diba?! Wala pa ring pagbabago. Ganuon pa rin ang desisyon ng ama mong sutil.” ngumiti siya sa akin saka humarap pagkababa sa ginawa niyang cake “ But im fine anak.”

“Kasi naman Mommy hindi ko maintindihan , pwede niyo namang pabilisan ang annulment niyo ni Daddy. Bakit hindi na lang kasi kayo magkasundo sa terms tutal wala nang chance ang pagsasama niyo? Hindi na natatapos ang araw ng hindi kayo nagbabangayan.”

“Hindi naman ganun kadali ang lahat Louisse” natatawa pero garalgal ang boses niya, nagpatuloy siya sa pagde-decorate niya sa cake. Alam ko namang mahal pa rin ni Mommy si Daddy pero indenial lang siya. Masyadong mataas ang ihi niya at ayaw magbaba ng pride kaya humantong sila sa ganitong sitwasyon.

“What if mag-usap na lang po kaya kayo?!. Kung hindi niyo naman ma let-go ang relasyon niyo ni Daddy?”  Tanong ko kay Mommy habang nakapangalumbaba ako sa itaas ng aming central island na lamesa.

“Oh, Louisse my dear, naiintindihan kong ayaw mo ng broken family pero ang Daddy mo wala ng pagbabago, wag na nating pag usapan ang inaayos na namin ng Daddy mo! Hindi ako susuko kung nakikita kong may chance pero hindi ko din kayang basta siya pakawalan” Malungkot ang boses na sabi ni Mommy “ikaw anak!, mukhang namamayat ka ata?! Kumakain ka pa ba? Bagsak ang katawan mo ngayon! Pasensya na kung madalas si Mommy na mag stay sa office. Dun kasi nagiging busy ako. Nawawala ang masasakit na iniisip ko” Tanong niya sa akin.

“Ok naman ako Mommy, siguro pagod lang sa trabaho.” Sagot ko sa kaniya.

“ Narinig ko nga kay Dianne, may trabaho ka na daw sa motel. Ikaw naman kasi hindi ko maintindihan sayo kung bakit nagpapakahirap ka sa pagtatrabaho, kaya mo namang magpatakbo ng sarili mong negosyo.” Sagot niya sa akin. “Kung nakinig ka na lang kasi sakin noon na ikaw na ang mag handle ng business natin edi sana may katuwang na ako. Sana magising ka din one day sa kalokohan mong iyan. Hay Louisse Nicolas manang mana ka sa ama mong matigas ang ulo! Hindi talaga kayo mauubusan ng sagot” naiinis na sabi niya

“Oo nga pala Mommy wala na naman sasakyan ni Daddy. Nasan siya ngayon?” Tanong ko sa kaniya

“Edi malamang nagpapakasaya na naman sa piling ng kabet niya. Ano pa nga ba?!” Galit na sabi ni Mommy ng maisip na naman niya ang pambababae ni Daddy. Hindi pa man kami nagtatagal na nag uusap ni Mommy ay biglang dumating na si Daddy ng lasing na naman.

“Speaking of the devil!. Ayan na pala ang magaling mong ama.”

Nang pumasok si Daddy ay nagsimula na naman silang mag murahan. Walang katapusang sagutan na naman ang umalingawngaw sa tahimik naming bahay. Kaya iniwan ko na sila at umalis na ako.