CHAPTER 52

Kung nakikita lang ako ng Mommy ko ngayon, she wouldn't be happy. Ang nag-iisa at mahal na mahal niyang anak ay naghihirap ng husto. Iyong sakripisyo na ginawa niya bago siya mamatay ay napunta lang sa wala.

Pagkatapos ko siyang mapalibing, bumuhos na din ang problema sa akin. Halos hindi na ako makahinga. Halos hindi na ako makaahon.

Wala akong kakayahang bawiin ang mga naiwan ng mga magulang ko na dapat ay para sa akin, dahil sa mga kamag-anak ni Daddy. Pinapalabas nila na wala na akong karapatan sa mga iyon, dahil ubos na daw ang kabuhayan ni Daddy.

Nagbanta pa sila at alam kong kayang-kaya nila akong ipapatay. Hindi naman ako takot mamatay, e, kaso kailangan kong protektahan ang anak ko.

Pinili ko na munang magtago, pero pinapangako ko na balang araw mababawi ko ang mga properties na dapat ay para sa akin.

Nabenta ko lahat ng mga appliances ni Mommy. Lumipat ako sa squatter kasama ang dati kong yaya. Pinagpapasalamat ko na nandiyan siya para sa akin, dahil wala talaga akong k