CHAPTER 53

"Ang ganda ko!" Napangiti ako dahil sa feedback ng aking client. Katatapos ko lang siyang make-up-an at ayusan ng buhok. Isang taon na din akong rumaraket bilang isang make up artist. Nagsimula ako sa mga maliliit na pageant, mga prom at kung ano pang event. Kailangan kong kumayod ng husto dahil lumalaki na din ang pangangailangan naming mag-ina.

Nang magkasakit si Nanay Ditas, nabaon kami sa utang. Mabuti na nga lang at may napag-iiwanan ako sa aking anak, dahil kailangan kong magtinda-tinda at maglakad ng mga papeles.

Kaso pagkatapos ng dalawang buwan, namatay din si Nanay. Hindi niya kinaya. Alam ko naman na ginawa niya ang lahat. Lumaban siya para sa aming mag-ina pero hanggang doon na lang siya.

Mas naging mahirap pa ang buhay namin. Kaliwa't kanan ang mga naniningil sa akin ng utang. Lagi akong nagkakasakit sa stress at pagod. Kaso kapag Nanay ka bawal kang magpahinga kahit may sakit pa.

Umiiyak ako gabi-gabi. Sa ganoong paraan man lang ay mabawasan man lang ang bigat sa aki