CHAPTER 57

Pumasok ako ng banyo dahil hindi ko na kayang magpanggap. Hindi ko na kayang magpanggap na naka-move on na ako at okay lang lahat. Hindi ko na kaya pang pigilan ang pagtulo ng aking mga luha.

Tahimik akong umiyak sa banyo. Masakit pa din pala. Kaya mo iyan, Amelia. Ilang taon na ang nakalipas at ilang pagsubok na din ang pinagdaanan mo. Ayos lang iyan. Ipakita mo sa kanila na ayos lang. Hindi ka puwedeng magpakita ng kahinaan kahit pa walang-wala ka na ngayon.

Naghilamos ako. Pinunasan ko ang aking mukha gamit ang towel na dala ko dito sa loob ng banyo.

Nang lumabas ako, sinigurado kong hindi na ulit ako maluluha pa. Hinanda ko na ang sarili ko sa makikita ko ngunit paglabas ko, wala na si Dina.

Nakatayo naman si Hendrix sa tabi ng kama ni Drix. Pinagmamasdan niya ang anak at paminsan-minsan ay hinahaplos ang buhok at pisngi.

"Ako na lang ang magbabantay," sabi niya. Naupo siya sa upuan sa gilid.

Naupo naman ako sa mahabang upuan. Nagmuni-muni ng ilang sandali bago ako nahiga. H