Chapter 4

CHAPTER 4

Mula sa kinauupuan ni Lucas ay blangko nyang tinititigan ang isang babae na pumukaw sa kanyang atensyon kanina pa. Isang babae na todo kung sumayaw sa dance floor kasama ng iba pang mga naroon sa bar.

"Hey bro. Kanina ka pa tahimik dyan a," sabi ni Gerome sa kaibigan dahil kanina pa ito tahimik na sumisimsim ng alak.

"Kanina mo pa tinitingnan yung babae na yun a," sabi ni King saka sya lumingon sa babaeng kanina pa tinititigan ni Lucas. "Infairness maganda at makinis bro," dagdag pa nya.

Sinamaan naman ng tingin ni Lucas ang kaibigan nya. Nang mapansin naman ni King ang tingin sa kanya ng kaibigan ay dali dali na syang lumayo rito.

"Hey. Bakit ganyan ka makatingin sa akin? Pinuri ko lamang ang babae na iyon. Hindi ko naman aagawin sa'yo," sabi pa ni King.

"Tsk. Manahimik ka na lamang kasi," sagot ni Lucaw saka nya muling tinitigan ang babae na kanina pa nya tinitingnan.

Mula sa pwesto nya ay kitang kita nga nya na napakagandang babae na yon. Bigla tuloy syang napa isip na sana ay ito ang babae na ipapakasal sa kanya ng kanyang mga magulang. Sa isipin na iyon ay napapailing na lamang sya dahil imposible naman yata ang kanyang naiisip.

"Bro bet mo ba yun? Gusto mo lapitan natin," daldal pa ni King kay Lucas at inakbayan pa nya ito.

"Tumigil ka na lamang dyan King," saway na lamang nya sa kaibigan. Pero hindi nagpatinag ang makulit nyang kaibigan at agad syang hinila nito palapit sa dalaga na kanina pa nya tinititigan.

Hindi naman malaman ni Lucaw ang gagawin nya dahil hindi naman sya marunong sumayaw.

"Hi pogi," bati ng isang babae kay Lucas. Blangko lamang naman na tiningnan ni Lucas ang babae at saka sya dali daling bumalik sa kanilang pwesto.

"Bro bakit ka naman umalis. Malapit ka na dun sa babae oh," kakamot kamot sa ulo na turan ni King.

"Tumigil ka na King. Nakakahiya ang giangawa mo," sagot ni Lucas sa kaibigan at agad na syang naupo muli sa pwesto nila kanina.

Iiling iling naman si Gerome dahil sa ginawa ni King. At sa nakikita nya sa kaibigan ay may binabalak na naman itong gawin na kalokohan.

"Bro handa mo sarili mo mamaya. Mapapalaban ka. Akong bahala. Makukuha mo yang magandang babae na yan," bulong pa ni King kay Lucas saka ito dali daling umalis.

"Sira ulo talaga kahit kelan," iiling iling na sabi ni Lucas.

"Pabayaan mo na lamang sya. Hindi na talaga maalis ang pagiging makulit ng tao na yan," sabi ni Gerome kay Lucas saka nya sinalinan ng alak ang baso nito.

"Kumusta ka pala bro? Masyado ka na naman subsob sa trabaho a," pag iiba na ni Gerome ng kanilang usapan.

"Kaya nga e. Kaya pati pag aasawa ko sila mom na naman ang gumagawa ng paraan," sagot ni Lucae saka sya sumimsim ng alak.

"What do you mean?" kunot noo na tanong ni Gerome sa kaibigan.

"Sila mommy na ang naghanap ng babae na mapapangasawa ko. No choice naman ako kundi ng sumunod na lamang para hindi na humaba pa ang usapan," sagot ni Lucas.

"Woah. Seryoso? Wow. Kung gayon ay congrats na agad sa'yo dahil mag aasawa ka na pala," natatawa pa na sabi ni Gerome sa kaibigan. "Kumusta yung girl? Maganda ba?" tanong pa nya.

"Hindi ko alam. Hindi ko pa naman sya nakikita e. Sa mismong araw na lamang ng kasal kami magkikita," balewalng sagot ni Lucas sa kaibigan.

"Seryoso ka ba sa sinasabi mo? Hindi mo man lang ba muna kikilalanin ang mapapangasawa mo?" hindi makapaniwala na tanong ni Gerome sa kaibigan.

"Seryoso ako sa sinasabi ko bro. Saka marami akong ginagawa kaya wala akong time para kilalanin ang mapapangasawa ko. At isa pa ay kahit naman hindi ko sya magustuhan ay ipapakasal pa rin naman ako sa kanya. Kilala mo naman si mommy hindi titigil yun hanggat hindi ako nakakapag asawa," sagot ni Lucas.

"Sabagay nag iisa ka kasing anak kaya siguro gusto ka na nilang mag asawa dahil gusto na nilang magka apo. Bigyan mo na kasi sila ng apo para hindi ka na nila kulitin pa," sagot ni Gerome.

"Tsk. Buti kung pumayag yun na bigyan ko na lamang sila ng apo ng basta na lamang," sagot ni Lucas. "Tiwala naman ako kay mom sa babaeng ipapakasal nila sa akin kaya hindi ako nag aalala tungkol sa bagay na yun," dagdag pa nya

"Pano ba yan. Ikaw pala ang unang mag aasawa sa ating tatlo. Double celebration na ba ito?" sabi pa ni Gerome.

"Saka na tayo magcelebrate kapag malapit na ang kasal. Sa ngayon ay wala pa namang plano sila mommy dahil hinihintay pa rin naman nila ang desisyon ng pamilya nung babae," sagot ni Lucas kag Gerome.

"Oh I see. So maghappy happy na muna tayo ngayon habang binata ka pa. Cheers," sagot ni Gerome saka nya itinaas ang kanyang hawak na baso.

Napatingin naman sila sa gawi ng isa pa nilang kaibigan at napapailing na lamang silang dalawa dahil todo sayaw na si King kasama ng iba pang naroon sa bar.

"Nalasing na ata ang gago na yun. Alam pa kaya nya ang ginagawa nya?" natatawang sabi ni Gerome.

"Hayaan mo sya. Titigil din yan kapag napagod. Birthday naman nya kaya pagbigyan na lamang natin," iiling iling na sabi naman ni Lucas.

Nanatili lamang naman sa pwesto nila sila Lucas at Gerome at hindi na nila namamalayan pa na napaparami na pala ang naiinom nilang dalawa. Ang kaibigan naman nilang si King ay pabalik balik lamang sa pwesto nila at sa kumpulan ng mga taong nagsasayaw sa naturang bar na iyon.