Chapter 12

CHAPTER 12

"Mabuti naman at narito ka na anak," agad na sabi ni Shiela kay Lucas pagkarating na pagkarating nito sa kanilang bahay.

"Bakit po mom? May problema po ba?" agad din na tanong ni Lucas sa ina dahil mukhang hinihintay nga sya nito na makauwi.

"Nanggaling na rito ang mag inang Salcedo at yun nga napapayag na nila ang kanilang anak na maikasal sa'yo," pagbabalita ni Shiela sa anak. "In three months ay magaganap na ang kasal ninyo," dagdag pa nito.

"Mom kapag po ba may pinakilala ako sa inyo na babae na gusto kong mapangasawa ay papayag po ba kayo?" tanong na ni Lucas sa ina. Bigla namang natigilan si Shiela dahil sa sinabi ng kanyang anak.

"M-may nobya ka na ba? Pwede mo naman syang ipakilala sa amin habang maaga pa para naman hindi na natin ipilit ang kasal ninyo ni Ayesha. Wala naman iyong problema sa amin ng daddy mo," sagot ni Shiela.

"Sino po si Ayesha?" kunot noo na tanong na ni Lucas dahil ngayon lang nya narinig ang pangalan na ito.

"Oh i'm sorry. Ayesha nga pala ang