ASIWA ang ngiti ni Katherine ng mga sandaling iyon. "H-Hello po, Mr. Dominguez," bati pa niya.
Nanliit naman ang tingin ni Levi sa sekretarya at asawa ng kaibigan. Halata niyang may narinig ito sa pinag-uusapan nilang dalawa ni Cain. "Kanina ka pa ba rito?" aniyang naniniguro. Umiling si Katherine. "N-Ngayon lang, ibibigay ko sana 'tong dokumento kay Mr. President." Bago pa magisa ng tanong ay nilampasan na niya ito para harapin si Cain. "Good morning, Mr. President. May kailangan po kayong pirmahan," aniya. Nag-angat naman ng tingin si Cain. Narinig niya ang pinag-usapan nito at ni Levi sa may pinto pero wala siyang balak magtanong. Kung alam na ni Katherine ang article ay wala na siyang magagawa pa roon. Wala rin siyang balak magpaliwanag pero hindi niya nais na magtampo ito. Dahil kahit contractual ang kasal nila ay asawa niya pa rin ito. "Nakatulog ka ba nang maayos kagabi?" Tumango lang si Katherine. "N-Nasa trabaho tayo ngayon," paalala niya. Sekreto at ilang piling tao lang ang nakakaalam ng totoong relasyon nilang dalawa. Kaya ganoon na lamang kung siya ay mag-ingat. Nagtaas ng isang kilay si Cain. "Si Levi lang naman ang nandito kasama natin." Hindi na nagkomento si Katherine. Matapos mapirmahan ang dokumento ay agad rin siyang lumabas at nilampasan si Levi na nanatili sa hamba ng pintuan. Pagkasara ng pinto ay nagmamadaling binalikan ni Levi ang kaibigan sa table nito. "Mukhang narinig niya pinag-uusapan natin." "Ang daldal mo kasi." Nanlalaki ang mga matang tinuro ni Levi ang sarili. "At kasalanan ko pa talaga? Nagtanong lang naman ako, a?" "Umalis ka na nga lang at marami pa akong gagawin." Pagtataboy pa rito ni Cain. Samantalang si Katherine ay nilapag lang ang dokumento sa desk saka umalis upang magtungo sa pantry area, nais magpalipas ng ilang sandali. Dahil sa pagbubuntis ay nagiging emosyonal siya at muntik pang maiyak kanina. Dinamdam niya ang hindi pagsagot ni Cain sa tanong ng kaibigan kung may nararamdaman ba ito sa kanya o wala. Napapatanong siya sa isip kung mahirap bang sagutin ang tanong? Dalawang taon naman silang nagsama pero bakit tila napakahirap kunin ang loob nito? Dahil ba kay Margaret? Ngunit sa tapat pa lang ng pantry area ay may naririnig na siyang nag-uusap mula sa loob. "Nakita ko 'yung article na bumalik na ang girlfriend ni Mr. President." "May girlfriend siya?" "Oo, dalawang taon din 'yung hindi umuwi ng bansa." "Baka naman hiwalay na sila? Imposibleng magtiis si Mr. President ng dalawang taon na hindi kasama ang girlfriend?" "Hindi mo kasi nakita 'yung kuha sa article, halatang si Mr. President ang kasama. Sige nga, ngayon mo sabihin sa'king hiwalay sila kung kagabi lang ay magkasama naman?" "Kung totoo ang sinasabi mo... pa'no si Meow?" "Ha? Sinong Meow?" "'Nu ka ba, may iba pa bang pusa rito?" Pagkatapos ay nagtawanan ang dalawang nag-uusap. Si Katherine na narinig ang sinasabi ng dalawa ay agad naunawaan na siya ang tinutukoy na pusa. Hindi na bago sa kanya ngunit masakit pa rin sa tuwing naririnig ang masasakit na salita ng ibang empleyado patungkol sa kanya. Kaya sa halip na magpatuloy ay umalis na lamang siya at pabalik na sana sa sariling table nang makasalubong si Jean, pinsan ni Cain. Malayo pa man ay nakataas na ang isa nitong kilay, nagtataray habang may hawak na ice coffee. "Kalagitnaan ng trabaho ay kung sa'n-sa'n ka nagpupunta? Ano, porke't asawa ka ng pinsan ko'y umaasta kang reyna rito?" Noon pa man ay mainit na ang dugo ni Jean sa kanya. Wala siyang ideya kung bakit pero hangga't maaari ay ayaw niya ng gulo kaya umiiwas na lamang siya. Tulad ngayon, lalampasan na niya dapat nang bigla naman itong humarang sa daraanan. "Bastos ka rin, e, 'no?! Kinakausap pa kita'y bigla kang aalis? Talaga bang nagyayabang ka porke't--" "Tama na, Jean. Hinaan mo lang ang boses mo. Hindi alam ng mga empleyado rito kung anong relasyon ko kay Cain." Ngunit mas lalo lang nagalit si Jean. "Ang kapal naman ng mukha mong pagsabihan ako! Palibhasa, ulila. Kung sabagay, hindi ko rin gugustuhing magkaro'n ng anak na gaya mong napakarumi. Kaya bagay sa'yong pinapaliguan para maging malinis." Sabay saboy ng ice coffee sa pagmumukha ni Katherine. Sa labis na pagkabigla ay hindi na nakontrol ni Katherine ang emosyon. Tuluyang naputol ang pagtitimpi sa dalaga. Sinugod niya ito at pinatikim ng isang malutong na sampal na hinding-hindi nito malilimutan. Napaling sa ibang direksyon ang mukha ni Jean sa lakas ng sampal na kanyang natamo. Mabagal at nanginginig sa galit na binalik niya ang tingin kay Katherine. "Walanghiya ka!" makaputol-litid niyang sigaw. Agad na sumugod si Jean upang saktan ito nang mabilis na napigilan ni Katherine sa braso. Kahit mahirap man at walang kinilalang magulang maliban sa kanyang Lola, ay tinuruan naman siya nitong lumaban kapag naaapi na. Si Cain lang ang tangi at nag-iisang hinahayaan siyang saktan emotionally, wala ng iba. "Sino bang nauna sa'ting dalawa, 'di ba ikaw?" ani Katherine. Nagpumiglas si Jean, pilit kumakawala sa pagkakahawak nito. Hanggang sa may mga empleyadong dumating at nais maki-osyuso. "Anong nangyayari rito?" si Cain. Biglang natigilan ang dalawang babae at pareho pang napalingon. Kaya tuluyang nabitiwan ni Katherine ang braso ni Jean. "Cain! Alam mo ba kung anong ginawa ng babaeng 'yan, sa'kin? Sinampal niya 'ko!" sumbong ni Jean. Naging matalim ang tingin ni Cain sa sekretarya. "Garcia... nakalimutan mo na ba kung anong rules and regulations natin pagdating sa mga bisita?" "I-I'm sorry, bilang empleyado ng kompanya ay humihingi ako ng tawad," kabadong saad ni Katherine sabay tungo. "Okay, you may go." Nabigla si Jean. "That's it?! Sinaktan niya 'ko, Cain, tapos paaalisin mo lang siya ng gano'n lang?!" "Nag-sorry na siya kaya ano pang gusto mo? Saka, hindi mo ba nakikita ang itsura ng sekretarya ko? Basang-basa siya. Kaya ikaw naman ngayon ang tatanungin ko. Ikaw ba ang may gawa niyan?" Hindi masagot ni Jean ang tanong ng pinsan. "Cain naman! Ipagtatanggol mo pa ba ang babaeng 'yan kaysa sa sarili mong kadugo?" "Wala akong pinagtatanggol ni isa sa inyo. Ang akin lang, ayoko ng gulo, ingay rito sa kompanya." "Hindi ko naman kasalanan 'yun! 'Yang babaeng 'yan!" Sabay turo kay Katherine. "Anong gusto mong gawin ko? Sisantihin siya, gano'n ba, Jean? At sinong papalit sa posisyon niya?" "Madali lang naman mag-hired--" "'Wag mo 'kong patawanin, pwede ba? Alam mo kung ga'no ako kaselan pagdating sa trabaho. Hindi ko siya pwedeng sisantihin ngayon at kumuha ng bagong sekretarya na wala namang kaalam-alam kung pa'no ako magtrabaho... Kaya kung ako sa'yo, bago pa maubos ang pasensiya ko'y mas mabuti pang umalis ka na." Nanliit sa kahihiyan si Jean lalo pa at nagmukha siyang katawa-tawa sa harap ng mga empleyadong naroon. "I'll never forget this!" aniyang nagmartsa paalis. Si Katherine ng mga sandaling iyon ay masaya na kahit papaano ay ipinagtanggol siya ni Cain sa harap ng mga empleyado. Bago pa siya makapagpasalamat ay umalis na ito para bumalik opisina. Ang mga naiwan na empleyado ay agad tiningnan ng kakaiba si Katherine. "Naku, baka may mag-assume na namang isa riyan porke't pinagtanggol ni Mr. President," saad ng isang empleyadong masama ang pakikitungo at laging nangunguna sa pagkakalat ng kung ano-anong balita tungkol kay Katherine.MAYA'T MAYA ang tingin ni Katherine sa oras ng suot na relos. Kanina niya pa hinihintay na matapos si Cain sa pakikipag-usap sa isang excutive ng kompanya.Ngayon ang napag-usapang araw na dadalawin nila ang kanyang Lola sa ospital matapos itong magka-inflammation sa pancreas. Inaalala niyang baka matapos ang visiting hour. Kaya napagpasiyahan niyang i-text si Cain na mauuna na siya sa kotse at bilisan nito ang pakikipag-usap.Ngunit habang naghihintay ay hindi ang asawa niya ang dumating kundi si Joey. "Pinapasabi ni Mr. President na sasamahan ko na lamang kayo sa ospital.""Hindi pa ba siya tapos makipag-usap?"Umiling lang ito bilang sagot kaya walang nagawa si Katherine kung hindi umalis na hindi ito kasama.Pagdating sa ospital ay bakas ang saya sa mukha ni Lucinda nang makita ang apo. "Mabuti at napadalaw ka, Katherine.""Kamusta po kayo rito, 'La?" aniya sabay yakap sa matanda."Mabuti naman, pakiramdam ko'y pwede na 'kong bumalik sa probinsiya, apo.""Hindi pa po pwede, 'La. H
BAGO pa tuluyang lumalim ang ginagawa ay agad na silang nagambala ng pagtunog ng cellphone ni Cain.Sa isang iglap ay bigla itong bumangon at sinagot ang tawag. Ang exposed na katawan ni Katherine ay agad niyang binalutan ng kumot.Ilang sandali pa matapos ang tawag ay humarap si Cain. "May pupuntahan lang ako, matulog ka na.""Saan?"Hindi sinagot ni Cain at basta na lamang nagpalit ng damit. Sa hindi nito pagsagot ay nakumpirma ni Katherine na si Margaret na naman ang dahilan ng pag-alis.Ang dalaga na naman ang pinipili nito... At heto siya, parang tangang umaasa na mapapahalagahan din, kahit hindi naman talaga.Pagkaalis ni Cain ay saka lang hinayaan ni Katherine na bumuhos ang kanina pa pinipigilang luha. Bumangon siya sa kama at nagbihis. Nandidiri at hiyang-hiya para sa sarili. Para siyang isang mababang uri ng babae na pagkatapos magamit ay basta na lamang iiwan para sa babaeng tunay nitong minamahal. Matapos ay kinuha niya ang sonogram sa drawer at pinagpupupunit. Nagpasiyang
BAGO pa makapagsalita si Katherine ay naunahan na siya ni Sam, "Hindi ko rin alam kung anong nanyari sa kanya, Lian. Bigla na lang niya 'kong sinigawan nang kausapin ko siya.""Sinungaling!" ani Katherine saka binalingan ang kaibigan. "Narinig ko siyang may masamang balak sa'yo ngayong gabi.""Pwede ba, 'wag mo 'kong pagmukhaing masama sa harap ng girlfriend ko. Dahil lang sa hindi ko binigay ang number ko sa'yo kaya ka nagi-imbento ng kuwento?"Nagtaas-baba ang dibdib ni Katherine sa labis na emosyong nararamdaman. Nanginginig siya sa galit dahil sa pinagsasasabi ni Sam.Si Lian na naguguluhan ay nagpalipat-lipat ng tingin sa dalawa. "Sam... linawin mo nga'ng sinasabi mo. Ba't gustong hingin ni Katherine ang number mo?"Napangisi si Sam habang may kakaibang tinging ipinupukol kay Katherine. "Hindi ko rin alam. Palabas na nga sana ako sa restroom ng bigla siyang sumulpot at balak hawakan ang katawan ko. Type niya yata ako, e."Hindi makapaniwala si Katherine. Nanginginig ang nakakuyom
BAGO pa dumapo ang kamay nito ay isang maganda at malamyos na tinig ang tumawag sa pangalan ng dalaga, "Jean!"Sabay na napalingon ang dalawang babae. Natigilan si Katherine nang makitang papalapit si Margaret habang naka-wheelchair."Marga, hindi ka na sana sumunod pa. Mapapagalitan ako nito ni Cain, e," ani Jean sabay tingin kay Katherine na animo'y nagyayabang.Tuluyang nakalapit si Margaret at kunot-noo'ng napatingin kay Katherine."Oh by the way, Marga. Nakikilala mo ba siya?" ani Jean sabay turo kay Katherine. "Siya nga pala ang secretary ni Cain. Nang umalis ka ay siya ang nag-alaga sa kanya, umaga hanggang... gabi," makahulugan niyang saad.Hindi naman nakagalaw sa puwesto si Katherine. Gusto niyang magsalita pero napipi na siya ng reaksyon ni Margaret. Halatang gulat na gulat ito.Ilang sandali pa ay nagsalita, "Jean... pwede bang iwan mo muna kami. May gusto lang akong sabihin sa kanya.""Hindi pwede, baka saktan ka pa ng babaeng 'yan gaya ng ginawa niya sa'kin. Sinampal niy
NAPABALIKWAS ng bangon si Katherine. Pinagpapawisan at sobrang lakas ng kabog ng kanyang dibdib dahil sa masamang panaginip.Buong akala niya ay totoo ang sinabi ni Cain. Sobrang takot na takot siya. Nang magawang pakalmahin ang sarili ay saka lang napansin kung nasaang lugar siya."A-Anong ginagawa ko rito?" aniya nang mapagtantong nasa ospital siya.Hinawi niya ang kurtina'ng tumatabing saka tiningnan ang paligid. Nakita niya sa hindi kalayuan ang kaibigan at may kasama itong isang lalake."Katherine!" Mabilis ang paglapit ni Lian nang makitang nagising na ang kaibigan. "Pinag-alala mo 'ko, akala ko kung ano nang nangyari sa'yo," aniyang halos maiyak-iyak.Sa halip na tumugon ay nabaling ang tingin ni Katherine sa kasama nito. Hindi niya akalaing magkikita silang muli ni Luke. "Anong ginawa mo rito?""Nagkita kami ni Lian sa parking lot. Tinulungan ko siya at magkasabay na umalis pero nang daanan ka'y nakita naming nasa kalsada ka na, walang-malay," paliwanag ni Luke."Binuhat ka ni
MATAGAL at pinag-isipang mabuti ni Cain ang sasabihin nang biglang tumunog ang kanyang cellphone.Mula na naman kay Margaret ang tawag. Nang balingan si Levi ay nagkibit-balikat ito. "Sige na, puntahan mo na kung kailangan ka pero 'wag mong kakalimutang magpunta mamaya sa bar, 'kay?"Walang salitang umalis sa opisina si Cain. Nagtagpo pa nga ang mga mata nilang dalawa ni Katherine pero bago makapagpaalam ay umiwas na ito ng tingin kaya hindi na siya nagsalita pa.Pagdating sa ospital ay naabutan niyang inaasikaso ng Nurse si Margaret. Ayon dito ay mataas ang lagnat ng dalaga dahil sa bone marrow transplant. Nais din siya nitong makita."Cain..." lumuluhang sambit ni Margaret kaya agad itong lumapit. "Sobrang sakit ng katawan ko. Sa palagay ko'y hindi ko kakayanin ang ganitong treatment. Natatakot akong baka bigla na lamang mawala sa mundo.""Ano ka ba, 'wag kang magsalita ng ganyan," saway ni Cain."Hinahanda ko lang ang sarili ko kaya bago mangyari 'yun, pwede bang humiling?""Ano 'y
NAKAHINGA nang maluwag si Cain nang marinig ang sinabi nito. Sa hindi malaman na dahilan ay napanatag siyang ayaw pirmahan ni Katherine ang divorce aggrement."B-Bakit, may hindi ka ba nagustuhan? Nakukulangan ka ba sa mga matatanggap mo?"Umiling si Katherine. "Hindi mo na kailangang bigyan pa ako ng property. Kapag maghihiwalay tayo, gusto ko ay 'yung walang remembrance. Ayoko ng kahit anong may kinalaman sa'yo, Cain. Mag-divorce tayo ng tahimik at magkalimutan na parang hindi magkakilala."Napatiim-bagang si Cain. Hindi niya nagustuhan ang sinabi nito. "Alam mo'ng imposible 'yang sinasabi mo. Secretary kita--""Magri-resign ako pagkatapos. May nakahanda ng resignation letter at bukas ko ipapasa. But don't worry, hindi agad ako aalis sa kompanya ng walang nahahanap na kapalit, 'yung papasa sa standard mo."Kumuyom ang kamay ni Cain. "Sigurado ka ba? Baka magsisi ka lang.""Matagal na 'kong nagsisisi," bulong ni Katherine, sapat upang hindi nito marinig.Tumayo si Katherine. "Kung wa
HINDI naman makapaniwala si Belinda sa narinig. "'Pa! Palalayasin mo kami ng apo mo para sa--" nagpigil at hindi niya tinuloy ang sasabihin sa takot na mas lalo pang magalit si Ramon.Kaysa mapahiya pa nang husto ay hinila na lamang niya ang anak. "Tara, Jean. Umalis na lamang tayo rito."Nagmartsa paalis ang mag-ina na masama ang loob kaya nabahala si Katherine. Baka balikan siyang muli ni Jean dahil sa nangyaring ngayon."Ayos ka lang ba, Hija?" ani Ramon.Tipid na tumango si Katherine."Kung gano'n ay pumasok na tayo sa loob at masamang pinaghihintay ang pagkain."Magkasabay na pumasok ang mag-asawa sa mansion. "Ayos ka lang ba talaga? Pwede mo namang sabihin sa'kin kung nahihiya kang magsabi kay Lolo," ani Cain.Saglit na sulyap ang ginawa ni Katherine sa asawa. Kaya nahihirapan siyang magalit o magtampo rito nang matagal dahil kung umakto ito ay para talaga silang tunay na mag-asawa."Ikaw, hindi mo na ba ako balak iwasan?" aniya.Natigilan at saglit na napatitig si Cain saka nap