Madrigal Mansion
Sa harap ng isang magarang mansyon ay ipinarada ang isang itim na Rolls-Royce. Personal namang binuksan ang pintuan niyon ni Armand, ang pangalawang anak nina Senyor Alejandro at Senyora Minerva Madrigal. "Welcome back, Your Highness!" Yumukod pa ang binata nang tumapak ang mga paa ni Avrielle sa red carpet. Sa ilalim ng maliliwanag na mga ilaw, lalong nagningning ang kagandahang taglay ni Avrielle. Ang mga paa niyang ngayo'y nakasuot ng stilleto, ay kaninang nakasuot lamang ng rubber shoes. Pinalitan niya iyon kanina habang nasa sasakyan. Ngayon tuloy, pakiramdam niya ay isa siyang prinsesa na nakauwi sa kanyang palasyo. "Kuya Armand, kumusta naman ang lahat dito?" tanong niya habang naglalakad sila papasok ng mansyon. "We're good… pero iba pa rin ngayong nandito ka na ulit sa amin. By the way, nagustuhan mo ba ang birthday present ko sa'yo? Balita ko, nagtrending iyon sa social media!" Bakas na bakas ang tuwa at excitement sa mukha ni Armand habang nagsasalita. Nagliwanag naman ang mukha ni Avrielle nang maalala ang fireworks display. "Oo naman, Kuya Armand. Gustong gusto ko nga, eh. Narinig ko pa nga sa bulung-bulungan kanina sa cruise na napakaswerte naman daw ng babaeng pinag alayan niyon. Panigurado raw na napakayaman ng kung sinuman ang nagpagawa n'on. Tinawag pa nga nilang diamong-studded mongrel ang taong iyon… Naks! Ibang level ka na talaga, Kuya!" Pumapalakpak pang tukso ni Avrielle sa kapatid. Imbes na mapikon ay hinila na lang ni Armand si Avrielle at kinulong sa isang mahigpit na yakap. "Huwag mo nang uulitin na umalis dito, ha?" "Hindi na, Kuya. Sobra na akong nasaktan sa ginawa niya… ano pa bang rason para manatili ako roon?" Nakaramdam ng kapayapaan si Avrielle sa mga bisig ng Kuya Armand niya. "Alam mo Kuya, hiyang hiya ako sa inyong lahat. Sumugal ako sa loob ng tatlong taon pero wala naman akong napala. Ibinigay ko ang lahat… pero iniwan pa rin niya ako sa bandang huli. Akala ko nga, mababaliw na ako dahil sa lungkot." Bahagyang tumawa si Avrielle matapos magsalita. Ngunit sa kaloob-looban niya, mas mapait pa sa ampalaya ang kanyang pakiramdam. Halos mapaiyak na siya sa sakit kapag ganitong naaalala niya ang dating asawa ngunit pinipigilan lamang niya. Sinumpa niya kasi sa kanyang sarili na sa oras na umalis siya sa bahay ni Brandon, hinding-hindi na siya iiyak. Naisip niyang hindi deserve ng lalaki na pagsayangan pa ng mga luha niya. "Ang walang hiyang iyon! Anong karapatan niyang tratuhin ka nang ganoon? Bukas na bukas din ay paiimbestigahan ko 'yang Ricafort Group Of Companies! Pwede ko ring sabihan si Ariel na ipadukot si Brandon!" Halos maglabasan ang mga ugat sa sentido ni Armand dahil sa galit. Habang si Anton naman ay nakangiti na parang nakakaloko. Pabulong pa itong nagsalita ng 'Amen' habang pinagdidikit ang mga palad. "Ikaw naman Kuya Anton, kailan ka magiging seryoso? Ganyan ba ang characteristic ng isang future pastor?" inis na sita ni Armand. Rumehistro ang isang mapait na ngiti sa mga labi ni Avrielle habang nakatingin sa dalawang kapatid. "Hindi ba pwedeng magmahalan na lang tayo at huwag nang magbangayan?" pakiusap ni Avrielle sa dalawa. "Kausapin mo kasi 'yang Kuya Anton mo. Hindi ko alam kung anong nangyari d'yan at biglang naging bahag ang buntot!" Nang matapos ang pag-uusap nilang magkakapatid ay tinungo nila ang silid ng kanilang ama na si Senyor Alejandro. Ngayong kaharap na niya ang kanilang ama, hindi niya mapigilan ang panlalamig ng kanyang mga palad. "Matapos mong maglagalag ng tatlong taon, heto't parang bibigyan mo pa yata ako ng karamdaman? Napakagaling mo naman talaga, anak ko!" Sa nanlalaking butas ng ilong ay sarkastikong litanya ng kanilang ama. Upang mawala ang tensyon ay pinilit ni Avrielle na magpakawala ng isang matamis na ngiti. "Salamat sa compliment, Dad. Magsasalita pa sana si Senyor Alejandro nang sumingit si Anton, "Dad, now that Avrielle is back, it's time to put some things on the agenda. I've decided to step down as CEO of Madrigal Corporation and let Avrielle take over." Nanlaki ang mga mata ni Avrielle dahil sa mga sinabi ng kanyang Kuya Anton. Habang si Senyor Alejandro naman ay lalong nagdilim ang mukha at halos umusok ang bumbunan sa galit. "Anong kalokohan 'yang pinagsasabi mo, Anton?!" "Tatlong taon lang naman po ang pinangako kong magsisilbi ako sa kompanya. Ito na ang oras para bumalik ako sa pagsisilbi sa simbahan. Alam n'yo namang naroon ang puso ko at ang pagpapastor ang siyang pinapangarap ko." mahabang tugon ni Anton sa malumanay na tinig. "Kung hindi mo kayang gampanan, bakit hindi na lang si Armand ang ipalit mo sa posisyon mo?" maawtoridad na tanong naman ni Senyor Alejandro. "Naku, Dad! Hindi ako pwede r'yan. Makakasira sa pagiging government official ko ang maugnay sa malalaking kumpanya. Baka maimbestigahan pa ko nang hindi oras." agad na tanggi ni Armand. Halos umakyat sa ulo ni Senyor Alejandro ang kanyang dugo dahil sa kunsumisyon. Natanong na lang niya sa kanyang sarili kung ano bang nagawa niya at ang anak niyang mga lalaki ay walang interes sa kanilang kumpanya. Taun-taon ay unti-unti siyang nanghihina. Tumatanda na siya at hindi na niya kayang patakbuhin ang kumpanya. Gusto na niyang magpahinga ngunit kapag tinitignan niya ang tatlong nasa harapan niya ngayon, hindi niya alam kung kanino sa mga ito ipapamana ang pamamahala sa kanilang kabuhayan. Hindi naman sa hindi niya mahal si Avrielle at wala siyang tiwala rito… malakas lang kasi ang paniniwala niya na ang dapat mag handle ng kanilang kumpanya ay isang lalaki. "Eh sino po bang nagsasabi na hindi kayang mamuno ng isang babae? I can do it, Dad! So, ako na ang president from now on." taas-noong sabi ni Avrielle sa kanilang ama. "Akala mo ba ganoon lang 'yon kadali? Hindi laro ang Madrigal Corporation. Paano namang ang isang batang katulad mo ay gagalangin ng mga empleyado roon? Naiintindihan mo man lang ba ang pasikot-sikot ng negosyo?" Hindi maitago sa mukha ng Senyor ang pagkabigo. "At isa pa, hindi kita mapagkakatiwalaan. Umaalis ka kung kailan mo gusto at nagliliwaliw sa malayo nang wala man lang pasabi. Hindi mo ba alam kung gaano kami nag alala ng ina mo? Akala nga namin ay patay ka na!" Nasaktan si Avrielle dahil sa kanyang mga narinig. Nag-init ang kanyang mga mata at nag-umpisa na itong pangiliran ng luha. Ganito man kahigpit at ka-istrikto ang ama niya sa kanila, naisin man niyang magrebelde, karapatan pa rin nito na malaman ang tungkol sa pagpapakasal niya nang palihim kay Brandon. Dapat pa rin siyang humingi ng kapatawaran.Matapos ang board meeting ay agad na pinatawag ni Brandon ang kanyang sekretarya sa loob ng kanyang opisina. "Kumusta ang pag-iimbestiga kay Amery, Xander?" agad na tanong ni Brandon. Hindi makatingin ang sekretarya at sa halip ay binaling nito ang paningin sa glass wall ng opisina. Iniiwasan nito ang makapangyarihang tingin ng kanyang amo. "I'm sorry, Mr. Ricafort pero wala pa rin pong progress ang investigation." ani ni Xander habang pinapahid ang mga butil ng pawis sa kanyang noo. "After pong umalis ni Ms. Amery ng gabing iyon, hindi na rin po siya bumalik sa dati niyang pinagtatrabahuhan. Pumunta rin po kami sa address ng dati niyang tirahan pero it turned out na fake po iyong address. Wala raw pong naninirahan doon na may apelyidong Dela Cerna." "Fake address?" Salubong ang kilay na tinitigan ni Brandon ang sekretarya na parang hindi makapaniwala. Mabilis namang sumagot si Xander, "Yes, Mr. Ricafort. Nagpunta rin po kami sa police station upang magtanong pero wala rin d
Nang magsimulang pumasok si Avrielle sa kumpanya ay hindi na natigil ang bulung-bulungan ng mga empleyado roon. Karamihan sa mga ito ay naiinggit lalong lalo na ang mga senior executives na nagnanais na ma-promote sa posisyong kinalalagyan niya ngayon. "Hay naku, nakakaloka! Hindi ba nila alam na ang bagong presidente ng Madrigal Corporation ay lehitimo at nag-iisang anak na babae ng may-ari ng company? Nawawalan ba sila ng katinuan?" Hindi maitago ang matinding inis ni Ella, ang sekretarya ni Avrielle. Kasalukuyan itong nakaupo sa passenger seat ng sasakyan. Hindi naman mapigilan ni Avrielle ang mapatawa. "Sus, wala naman akong pakialam sa mga sinasabi nila. Over reacting ka lang!" Nang sulyapan niya mula sa rear view mirror ang mukha ni Ella ay nakita niyang nakasimangot ito at namumula pa ang mukha sa pagkainis. Kaya naman hindi na niya napigilang abutin ito at pisilin ang isang pisngi. "Avrielle, you are the future president of our company. Can you act someone in power and s
Pakiramdam ni Amery ay biglang tumigil ang pag-ikot ng mundo habang tinititigan ang divorce papers na pirmado na ng kanyang asawa.Tigmak man sa luha ang kanyang mga mata, nagawa niyang itaas ang kanyang paningin sa may bintana kung saan naroon si Brandon. Ang matangkad at makapangyarihang pigura nito ay halos magmistulang diyos sa ilalim ng sinag ng hapon. Nanlalabo man ang kanyang paningin ay hindi niya maitatangging napakalakas ng presensya nito. Nakatalikod man ang lalaki, ramdam ni Amery na wala itong pakialam sa kung ano man ang nararamdaman niya.“Pumirma na ako. Huwag mo na rin sanang patagalin pa iyan. Gusto ko, bago bumalik si Samantha rito sa Pilipinas ay natapos na natin ang lahat ng legal procedures,” matigas at seryosong wika ni Brandon. Nanatili itong nakatalikod habang ang mga kamay ay naka-krus sa likuran nito.“Since we signed a prenuptial agreement, wala tayong magiging problema sa hatian ng properties. Pero para hindi ka naman magmukhang kaawa-awa at walang-wala, I
Kasalukuyang nagsasalo sa hapunan ang pamilya ng Ricafort. Kasama nila si Samantha na mukhang enjoy na enjoy sa mga pagkaing nakahain sa mesa. Masayang nag-uusap ang lahat maliban kay Brandon na seryosong seryoso ang hitsura at mukhang walang gana sa pagkain. Hindi mawala sa isipan niya si Amery. Iniisip niya ang pagsama nito kay Anton Madrigal at ang hindi nito pagdadala ng mga personal na gamit kasama ng dalawampung milyon at villa na ibinibigay niya. “Nasaan nga pala si Amery? Hindi ba siya bababa para samahan tayong maghapunan ngayong gabi?” tanong ng ama ni Brandon na may himig pagtataka. “We’re divorced,” sagot naman ni Brandon habang nakababa ang tingin. “We’ll handle the formalities and get the divorce certificate soon.” “Divorced? Why?!” nabibiglang tanong ni Don Emilio. “Honey, sinabi ko naman sa’yo… hindi nababagay si Amery sa anak natin. Ang Papa lang naman ang nagpumilit na ikasal sila.” Napabuntong-hininga pa si Senyora Carmela habang nagpapaliwanag. “Tama na ang