Kasalukuyang nagsasalo sa hapunan ang pamilya ng Ricafort. Kasama nila si Samantha na mukhang enjoy na enjoy sa mga pagkaing nakahain sa mesa.
Masayang nag-uusap ang lahat maliban kay Brandon na seryosong seryoso ang hitsura at mukhang walang gana sa pagkain. Hindi mawala sa isipan niya si Amery. Iniisip niya ang pagsama nito kay Anton Madrigal at ang hindi nito pagdadala ng mga personal na gamit kasama ng dalawampung milyon at villa na ibinibigay niya. “Nasaan nga pala si Amery? Hindi ba siya bababa para samahan tayong maghapunan ngayong gabi?” tanong ng ama ni Brandon na may himig pagtataka. “We’re divorced,” sagot naman ni Brandon habang nakababa ang tingin. “We’ll handle the formalities and get the divorce certificate soon.” “Divorced? Why?!” nabibiglang tanong ni Don Emilio. “Honey, sinabi ko naman sa’yo… hindi nababagay si Amery sa anak natin. Ang Papa lang naman ang nagpumilit na ikasal sila.” Napabuntong-hininga pa si Senyora Carmela habang nagpapaliwanag. “Tama na ang pagtitiis ng batang ‘yon. Ngayong willing na si Amery na makipaghiwalay, gagaan na ang buhay nilang dalawa ni Brandon. After all, alam naman nating lahat na si Samantha naman talaga ang nilalaman ng puso ng anak natin.” Napangiti pa ang ginang sa huling sinabi sabay tingin kay Samantha na kasalukuyang malaki ang pagkakangiti. Hindi naman iyon pinansin ni Senyor Emilio, bagkus ay hinarap pa rin nito si Brandon. “Hindi laro ang kasal, hijo… lalong lalo na kung ang pag-uusapan ay si Amery.” Napakamot si Brandon sa kanyang kilay. "Pirmado na namin ang divorce papers, Dad. Isa pa, umalis na rin si Amery na walang dala kahit isang kusing. "Oh, at least may gulugod naman pala ang probinsyanang 'yon." singit na naman ni Senyora Carmela. "Hindi kaya nagpapaawa lang siya? Hay naku! Sana lang hindi niya tayo i-tsismis na hindi natin siya pinakitunguhan nang maayos." Nagdilim ang mukha ni Brandon dahil sa sinabi ng kanyang ina. "Hindi kaya nagmamadali kang masyado, Brandon? May sakit pa ang lolo mo… paano mo ito ipapaliwanag sa kanya?" Bakas ang pag-aalala sa tinig ni Don Emilio. Natatakot kasi siyang ikagalit ng matanda ang desisyon ni Brandon. "Sasabihin ko sa kanya ang totoo. Besides, next month na ang engagement namin ni Samantha at magpapakasal kami sa lalong madaling panahon." Nang dahil sa narinig ay rumehistro ang malaking ngiti sa mukha ni Samantha at tinitigan ang gwapong mukha ni Brandon. "You're being ridiculous! Itatapon mo na lang ba ang tatlong taong pinagsamahan n'yo? Masisira ang reputasyon mo!" "The hell I care. Hindi si Amery ang gusto kong maging asawa." matigas at deretsong sagot ni Brandon. Walang pagsisising mababakas sa kanyang tinig. "Tito Emilio, huwag n'yo na pong sisihin si Brandon. Kung mayroon man po kayong dapat sisihin, ako po 'yon." malumanay na sabi ni Samantha. --- Kung mayroon mang mga bagay na inaayawan si Brandon kay Amery, iyon ay ang pagiging plain looking at walang kadating-dating na hitsura nito. Masyado siyang conservative sa pananamit at pananalita at de-numero ang mga kilos. Sa tatlong taong pagsasama nila, isa lang ang napansin niyang quality nito… iyon ay ang pagkamasunurin. Hindi siya marunong humindi. Parang kahit ano yata ang ipagawa ng pamilya ni Brandon sa kanya, sinusunod niya. Hindi man lang marunong magreklamo si Amery. Pero naisip ni Brandon, para saan ba ang mga iyon? Kahit ano naman kasing gawin ni Amery, hindi pa rin ito ang gusto niyang maging asawa. Isang gabi ay nagpasyang maglakad-lakad sa gilid ng dagat sina Brandon at Samantha. Tahimik silang lumalanghap ng sariwang hangin sa ilalim ng liwanag ng buwan nang may pumukaw sa kanilang atensyon. Nakarinig sila ng ingay ng sunud-sunod na putok ng fireworks. At nang tumingala sila sa langit, nakita nilang pumorma ang mga pailaw niyon ng salitang "Happy Birthday!" "Wow, it turns out someone's celebrating a birthday! Sino kaya siya? Ang swerte naman niya para alayan ng ganoong ka-special na pagbati," bulalas ni Samantha habang manghang-mangha na pinapanood ang firework display. Napabuntong-hininga pa ito na wari'y naiinggit. Sa pagkakataong ito, pakiramdam ni Brandon ay nanlabo ang kanyang paningin. Hindi rin niya maipaliwanag ang bahagyang pagsikip ng dibdib niya. Biglang sumagi sa isipan niya si Amery… birthday kasi nito ngayon. Hindi kaya para sa kanya talaga ang firework display na 'yon? Hindi kaya iyon ay regalo sa kanya ni Anton Madrigal? Hindi pa man siya nakaka-recover sa iniisip ay isang tinig na napaka pamilyar ang kanyang narinig. Nahagip din ng kanyang mga mata ang isang cruise ship na umaandar sa di-kalayuan ng dagat. Pilit niyang inaaninag ang sakay nito na kasalukuyang nasa deck. Magaganda ang mga porma ng lalaki at babae at ganoon na lamang ang gulat niya nang mapagtantong sina Anton at Amery ang mga iyon! "Oh my! Si Amery 'yon, 'di ba? Sino 'yong lalaking kasama niya? Mukhang malapit sila sa isa't-isa…" tanong ni Samantha na gulat na gulat. Agad nagsalubong ang kilay ni Brandom at dumilim ang kanyang mukha. Naglabasan ang mga ugat sa kanyang kamay at braso dahil sa mahigpit na pagkaka kuyom ng kanyang palad. Sinasabi na nga ba niya! Hindi pa man sila opisyal na hiwalay ni Amery, heto't ang magaling na babaeng iyon ay kating-kati nang palitan siya! Halos manginig sa galit si Brandon nang makitang nagyakapan sina Anton at Amery. Naguluhan tuloy siya kung paraan saan pa ang pag-iyak ng babae sa kanya noong nakikipaghiwalay siya rito kung mayroon naman na itong bagong lalaking kinakalantari. Nakadalawang ikot ang cruise ship sa dagat bago bumaba ang mga turistang naroon. Kitang-kita pa ni Brandon kung paanong pumulupot ang braso ni Anton sa beywang ni Amery habang pababa sila roon. "Amery!" Biglang tawag ni Samantha sa babae nang tuluyang makababa ang mga ito at naglalakad malapit sa kanila. Pagkarinig sa kanyang pangalan ay natigilan si Amery at kapansin-pansin ang paninigas ng katawan nito. Mukha itong naging tensyonado. Dahan-dahan lumingon ang babae sa kinaroroonan nila ni Samantha.Madrigal Mansion Sa harap ng isang magarang mansyon ay ipinarada ang isang itim na Rolls-Royce. Personal namang binuksan ang pintuan niyon ni Armand, ang pangalawang anak nina Senyor Alejandro at Senyora Minerva Madrigal. "Welcome back, Your Highness!" Yumukod pa ang binata nang tumapak ang mga paa ni Avrielle sa red carpet. Sa ilalim ng maliliwanag na mga ilaw, lalong nagningning ang kagandahang taglay ni Avrielle. Ang mga paa niyang ngayo'y nakasuot ng stilleto, ay kaninang nakasuot lamang ng rubber shoes. Pinalitan niya iyon kanina habang nasa sasakyan. Ngayon tuloy, pakiramdam niya ay isa siyang prinsesa na nakauwi sa kanyang palasyo. "Kuya Armand, kumusta naman ang lahat dito?" tanong niya habang naglalakad sila papasok ng mansyon. "We're good… pero iba pa rin ngayong nandito ka na ulit sa amin. By the way, nagustuhan mo ba ang birthday present ko sa'yo? Balita ko, nagtrending iyon sa social media!" Bakas na bakas ang tuwa at excitement sa mukha ni Armand habang nagsasalita
Matapos ang board meeting ay agad na pinatawag ni Brandon ang kanyang sekretarya sa loob ng kanyang opisina. "Kumusta ang pag-iimbestiga kay Amery, Xander?" agad na tanong ni Brandon. Hindi makatingin ang sekretarya at sa halip ay binaling nito ang paningin sa glass wall ng opisina. Iniiwasan nito ang makapangyarihang tingin ng kanyang amo. "I'm sorry, Mr. Ricafort pero wala pa rin pong progress ang investigation." ani ni Xander habang pinapahid ang mga butil ng pawis sa kanyang noo. "After pong umalis ni Ms. Amery ng gabing iyon, hindi na rin po siya bumalik sa dati niyang pinagtatrabahuhan. Pumunta rin po kami sa address ng dati niyang tirahan pero it turned out na fake po iyong address. Wala raw pong naninirahan doon na may apelyidong Dela Cerna." "Fake address?" Salubong ang kilay na tinitigan ni Brandon ang sekretarya na parang hindi makapaniwala. Mabilis namang sumagot si Xander, "Yes, Mr. Ricafort. Nagpunta rin po kami sa police station upang magtanong pero wala rin d
Nang magsimulang pumasok si Avrielle sa kumpanya ay hindi na natigil ang bulung-bulungan ng mga empleyado roon. Karamihan sa mga ito ay naiinggit lalong lalo na ang mga senior executives na nagnanais na ma-promote sa posisyong kinalalagyan niya ngayon. "Hay naku, nakakaloka! Hindi ba nila alam na ang bagong presidente ng Madrigal Corporation ay lehitimo at nag-iisang anak na babae ng may-ari ng company? Nawawalan ba sila ng katinuan?" Hindi maitago ang matinding inis ni Ella, ang sekretarya ni Avrielle. Kasalukuyan itong nakaupo sa passenger seat ng sasakyan. Hindi naman mapigilan ni Avrielle ang mapatawa. "Sus, wala naman akong pakialam sa mga sinasabi nila. Over reacting ka lang!" Nang sulyapan niya mula sa rear view mirror ang mukha ni Ella ay nakita niyang nakasimangot ito at namumula pa ang mukha sa pagkainis. Kaya naman hindi na niya napigilang abutin ito at pisilin ang isang pisngi. "Avrielle, you are the future president of our company. Can you act someone in power and s
Pakiramdam ni Amery ay biglang tumigil ang pag-ikot ng mundo habang tinititigan ang divorce papers na pirmado na ng kanyang asawa.Tigmak man sa luha ang kanyang mga mata, nagawa niyang itaas ang kanyang paningin sa may bintana kung saan naroon si Brandon. Ang matangkad at makapangyarihang pigura nito ay halos magmistulang diyos sa ilalim ng sinag ng hapon. Nanlalabo man ang kanyang paningin ay hindi niya maitatangging napakalakas ng presensya nito. Nakatalikod man ang lalaki, ramdam ni Amery na wala itong pakialam sa kung ano man ang nararamdaman niya.“Pumirma na ako. Huwag mo na rin sanang patagalin pa iyan. Gusto ko, bago bumalik si Samantha rito sa Pilipinas ay natapos na natin ang lahat ng legal procedures,” matigas at seryosong wika ni Brandon. Nanatili itong nakatalikod habang ang mga kamay ay naka-krus sa likuran nito.“Since we signed a prenuptial agreement, wala tayong magiging problema sa hatian ng properties. Pero para hindi ka naman magmukhang kaawa-awa at walang-wala, I