Chapter 28

Nasa akin ang atensiyon ng lahat nang pumasok kami sa loob ng meeting room. Kinakabahan ako kasi first time kong makita sa personal ang mga mahahalagang tao sa kompanya nila. Hindi rin maganda ang simula ng relasyon namin ni Ryan. Naging fiancé niya lang naman ako dahil kay Daddy at sa anak namin.

Hindi rin nagtagal ay nagsisimula na ang meeting. Hindi ako nakakasabay sa mga pinag-uusapan nila kaya inabala ko na lang ang sarili ko sa pagbabasa ng mga dokumento tungkol sa kompanya nila. Napapalingon ako kay Ryan sa tuwing nagsasalita siya at mabilis ko namang binabalik ang atensiyon ko sa binabasa ko.

Napahawak ako sa tiyan ko nang maramdaman ang pagkalam nito. Kaunti lang ang kinain ko kanina kasi nahihiya akong hintayin ni Ryan. Napalingon ako sa empleyadong nagdi-distribute ng mga snacks. Mas lalo lang akong nakaramdam ng gutom nang maamoy ang masarap na pagkain. Napakagat-labi ako nang mapansing umalis kaagad ang empleyado matapos silang magbigay ng snacks, pero nagtataka ako kun