Chapter 30

Sabrina’s POV

Tiningnan ko ang sarili ko sa malaking salamin pagkatapos akong ayosan ng make-up artist. Hindi pa rin ako makapaniwalang ikakasal na kami ni Ryan ngayong araw. Parang kailan lang tumatakas ako sa pamilya ko noon kasi gusto nilang ipakasal sa akin ang matandang kaibigan ni Daddy na si Edward Lazarus. Ngayon ay ikakasal na ako sa ama ng aking anak kahit na pareho kaming dalawa na walang nararamdaman para sa isa’t isa.

Nawala ang ngiti sa labi ko nang sumagi sa isipan ko ang mga masasamang salita na natanggap ko kay Daddy nang malaman niyang ikakasal ako kay Ryan. Sinubokan ko siyang imbitahan sa kasal kasi gusto kong nandoon siya sa kasal ko kahit hindi naman namin mahal ang isa’t isa ni Ryan. Inimbitahan ko siya kasi malaki pa rin ang respeto ko sa kaniya dahil siya lang naman ang aking nag-iisang ama, pero para niya akong isinumpa nang nalamang ex-fiancé ni Felicity ang papakasalan ko.

Ipinaliwang ko kay Daddy ang lahat kaya humantong sa kasalan ang nangyari, pero sarad