Chapter 23

DANIEL ARAGON BUENAVENTURA POV

Habang nakatitig ako ngayun sa mga mata ni Bianca, hindi ko maiwasan na makaramdam ng kakaiba sa sarili ko. Alam kong hindi na siya ang dating Bianca na asawa ko! Ibang Bianca na ang kaharap ko ngayun at sa loob ng pitong taon na hindi ko siya nakikita, alam kong ang laki na nang ipinagbago niya.

Ramdam ko sa tono ng pananalita niya ang galit para sa akin. Hindi siya masaya na nakita niya ako. Para akong isang istranghero kung ituring niya ngayun. Ibang-iba na siya. Wala na ang ngiti sa labi niya tuwing nakikita niya ako. Napalitan iyun ng pagkasuklam.

Sabagay, hindi ko siya masisisi. Wala akong ibang ipinakita sa kanya noon kundi kasamaan. Sa loob ng tatlong taon na nagsama kami puro sama ng loob ang narananasan niya sa akin

Muli ko siyang sinipat ng tingin. Lalo siyang gumanda sa paningin ko. Lalo siyang naging kaakit-akit! Parang hindi man lang nadagdagan ang edad niya!

Pero bakit ganoon? Kung talagang kapatid siya ni Cyrus Velasquez bakit h