•Gaea•
"Samantha naman! Kailangan ko ng inspirasyon hindi ang maingay na lugar na iyon!" Napakamot ako sa batok ko nang bigla niya akong binatukan.
Inilapag nito sa kama ang mga mini dress na napili at umupo sa aking tabi. Saglit ko lang siyang tinignan at ibinalik na sa screen ng laptop ko ang aking paningin.
Kaninang umaga lang nakatanggap ako ng mensahe sa editor ko na ipapatanggal ako ni Boss Ricky kapag hindi pa ako nakapagsubmit ng bagong manuscript sa susunod na linggo.
"Kaya nga tayo pupunta sa club para humanap ng inspirasyon mo!" Naririnig ko naman siya pero hindi ko pa rin siya nililingon. Sumasakit ang ulo ko sa susunod na eksena dahil walang ideyang pumapasok sa utak ko. "Hello! Earth to my pretty Gaea?"
Bumuntong-hininga at malungkot na tumingin sa kanya. Mahal ko ang trabaho ko at ayaw kong mawala iyon sa akin, pero simula nang maghiwalay kami ni Russu ay nawalan na rin ako ng ganang magsulat.
"Wala nga akong makukuhang ideya doon! Ang ingay pa ng mga—" Napatigil ako sa pagsasalita nang kaagad nitong tinakpan ang aking bibig.
"Sumama ka na sa akin at kung wala ka ngang ideya na makukuha roon ay ililibre kita ng paborito mong tsokolate!" Kumislap ang mga mata ko sa narinig. "Game?"
Mabilis akong ngumiti at kinuha ang kulay itim na damit na nakapatong sa kama ko.
"Sabi mo yan! Walang bawian!" masaya kong sambit at nagtatalon pa papuntang banyo. Narinig ko siyang tumawa kaya mas lumapad ang aking ngiti.
—
"Oh my gosh, Gaea!" I looked at samantha with a confuse look. Hinila naman ako nito papalapit sa kanya at marahang pinaikot. "Mukhang hindi inspirasyon ang mabibingwit mo ngayon, sister!"
Mas lalong kumunot ang noo ko sa sinasabi niya. Medyo naging slow ako at hindi ko kaagad siya maintindihan. "Anong ibig mong sabihin?" tanong ko.
"Lalaki ata ang makukuha mo mamaya—" Mabilis na tumaas ang kaliwa kong kamay at pinitik ang kanyang noo.
"Kahit kailan ka talaga Samantha Marquez. Tapos ka na ba?" Malapad pa rin ang ngisi niya na tumango sa akin at hinila na ako palabas ng apartment namin.
Mag-isa akong namumuhay sa syudad dahil nasa probinsya ang mga magulang ko, kaya nang makilala ko si Samantha at inaya ako nitong magsama kami sa isang bahay ay pumayag na ako.
"May kasama ka ba ngayong lalaki?" tanong ko sa kanya. Noong isang linggo lang ay iniwan ako nito sa club dahil dumating ang nobyo nito.
Napailing ako nang humagikhik ito at hinampas pa ang manibela.
"Huwag kang mag-aalala Gaia, makakahanap ka rin ng lalaki mo mamaya." Masama ko siyang tiningnan kung hindi lang talaga siya nagmamaneho ngayon ay mababatukan ko talaga siya.
"Sabi ko naman sayo—"
"Na hindi ka naghahanap ng lalaki. Alam ko na yang linya mo na yan, pero maniwala ka sa akin makakahanap ka talaga mamaya." Napailing na lamang ako at hindi na siya pinatulan. Ang hirap makipag-usap ng matino sa babaeng 'to.
"Yes! We're here! Finally!" nagtitili niyang saad at mabilis na bumaba ng kotse.
Tiningnan ko ang pangalan ng club at bumaba na rin. May taste rin pala ang babaeng 'to akalain mo ba naman sa yayamaning club din siya nagpupunta.
"Last time sa Downtown lang tayo eh. Bakit nasa First Class na tayo ngayon?" nakataas kilay kong tanong sa kanya.
Umakbay naman ito sa akin at hinila ako papasok sa loob ng club.
"Mas maganda rito maraming gwapo. Pili ka na lang ng gusto mo," natatawa niyang sabi. "Ibibigay ko na lang sila sayo."
Kung makasabi ito na ibibigay sa akin para bang pag-aari niya ang mga taong narito. Napailing ako at umupo na sa bakanteng sofa.
"Huwag diyan! Sa sulok tayo. Mas maganda roon dahil hindi tayo mahahalata na nagpapantasya," saad nito sabay hila sa akin patayo.
Nagpatianod na lang din ako sa kanya dahil wala na naman akong magagawa. Kapag si Samantha na ang may gusto, dapat lahat ng sasabihin niya masusunod.
"Counter muna ako. Kukuha lang ako ng maiinom." Tumango ako at kinuha ang cellphone ko sa bulsa. Binuksan ko ang documents saka nagbukas ng bagong pahina.
Inikot ko ang aking mata sa loob ng club habang naghahanap ng eksenang pwede kong isulat. Napakagat ako sa aking labi nang may pumasok na lalaki.
Nakaakbay ito sa magandang babae habang nakangisi. Maamo ang mukha nito ngunit puno ng kapilyuhan ang mga ngising binibitawan nito. Ang malapad nitong katawan ay tumatakip na sa maliit na pigura ng babaeng kasama nito.
"Clyden! Buti naman at nakapunta ka? Sa sobrang busy mo minsan na lang kitang makita rito sa club ko!" reklamo ng lalaking lumapit sa kanya. Humalakhak naman siya at inakbayan rin kaibigan.
Ang sarap pakinggan ng tawa nito, nakakahumaling tila ba inaakit ako na pakinggan iyon ng mabuti. Kahit sa ingay na dala ng musika ay malinaw ko pa rin na naririnig ang halakhak niya.
"Ngayon lang ako naghahanap ng babae." Napasinghap ako nang biglang magtama ang aming paningin. Napapikit ako para mamemorya ko ang kanyang mukha ang matangos nitong ilong, maliit na mukha at chinitong mata.
Pagdilat ng aking mga mata ay nakita ko pa rin siya na nakatitig sa akin. Kahit na kinakabahan ay nginitian ko pa rin ito at mabilis na nag-iwas ng tingin at nagsimula nang mag-sulat.
"Gaea, ang bilis mo naman nakaisip ng ideya! Nag-enjoy ka ba sa pagpunta mo rito?" Hindi ko pinansin ang tanong ni Samantha at nagpatuloy lang sa pagsusulat.
Mabilis ang pagdaloy ng ideya sa aking isipan para bang may sariling utak ang kamay ko at hindi ko na kailangan pang mag-isip ng malalim.
"Hay naku, Gaea. Tatanda kang dalaga niyan." Tumawa ako at tiningnan si Samantha na namamaktol.
"Saglit lang ito. Magtatapos lang ko ng tatlong chapter." Ibinalik ko muli ang paningin sa cellphone na hawak ngunit kahit na anong gawin ko ay wala ng ideya na pumapasok sa utak ko. "Malapit na yun eh!"
Ginulo ko ang aking buhok at hinanap ang lalaki kanina ngunit hindi na ito mahagilap ng aking mata. Napabuntong-hininga ako at kinuha inisang lagok ang baso ng alak.
"Saglit lang, Samantha may hahanapin lang ako." Nanlalaki ang mata nito na tumingin sa akin.
"Maglalandi ka? Wow naman, first time!" Mabilis ko siyang binatukan at naglakad na palayo sa kanya. Kailangan kong mahanap ang lalaking iyon.
Kailangan ko siya para sa bago kong libro.
"May hinahanap ka ba, Miss?" Napalingon ako sa nagsasalita at nginitian ito. Gwapo siya pero hindi ko siya type at wala akong panahon ngayon para rito.
"Pasensya ka na. Busy kasi ako, may hinahanap akong importanteng tao," hinging-paumanhin ko rito.
Nakakaintindi nama itong tumango at lumayo na sa akin. Bumalik na rin ako sa paghahanap sa lalaki kanina. Nakita ko naman siya sa may counter at may kasamang babae.
Malapad akong napangiti at umupo sa di kalayuan sa kanila. Sapat na naman sa akin na makita siya para makapagsulat ako.
"Saan tayo mamaya? Sa condo mo o sa condo ko?" Kahit na nakayuko ako at nagsusulat ay ramdam ko pa rin ang pag-iinit ng mukha ko dahil sa malanding tanong na iyon ng babaeng kasama niya.
"Bakit sa condo pa kung pwede naman nating gawin iyon sa kotse?" Mahina akong napaubo at nagsimula ng tumayo sa aking upuan.
Lalayo lang ako ng kunti 'yong hindi ko maririnig ang pag-uusap nila. Mabubuntis ata ako kahit na nakikinig lang sa paglalandian nilang dalawa.
"Hi!" Napasigaw ako sa sobrang gulat dahil sa biglang pagkalabit sa akin ng di ko kilala. "Are you okay?"
"I'm fine. I'm sorry, nagulat lang ako dahil bigla ka nalang lumapit." Tiningnan niya ang ginagawa ko bago umupo sa aking tabi.
"May gusto ka sa kaibigan ko?" tanong niya habang itinuturo si Clyden na nakikipagtawanan pa rin sa babae. "Aalis na yan mamaya. Gusto mong kausapin?"
Nanlaki ang mata ko sa sinabi niya. Aalis na kaagad? Paano ko matatapos ang nobela ko na 'to?
"Saan siya pupunta?" inosente kong tanong. Naramdaman ko lang pag-iinit ng aking pisngi ng maalala ang sinabi nilang dalawa kanina.
"Nahihiya ako." Pwede ko naman siguro siyang pakiusapan na maging portrayer ko. "May kasama naman kasi siya."
Kinindatan ako nito at tumayo na. "Sumunod ka na lang sa akin."
Nauna itong lumapit sa dalawa at inaya ang babae na sumayaw. Lumingon muna ito sa akin bago itinuro si Clyden na nag-iisa. Tumango ako sa kanya at malalim na bumuntong-hininga bago lumapit dito.
"Hi!" mahinhin kong bati dito. Parang sasabog ang puso ko sa sobrang kaba habang nakatingin sa kanyang mukha. "Pwede ba kitang makausap."
Pinasadahan nito ang katawan ko ng tingin bago ngumisi at pinaupo ako sa tabi niya.
"Anong kailangan mo?" deretsa niyang tanong.
"Pwede ba kitang maging..." nag-aalangan akong sabihin sa kanya ang gusto ko. Baka magalit ito at sigawan ako rito. "Gusto ko sanang maging parte ka ng nobelang isusulat ko."
Kumunot ang noo nito habang nakatingin sa akin. Napahigpit ang paghawak ko sa aking telepono at nag-iwas ng tingin.
Napapitlag ako nang bigla niyang hinawakan ang mukha ko. Nag-iinit ang katawan ko dala ng pagkakahawak niya sa akin.
"Hindi kita maintindihan, Miss."
"Gusto kitang makita habang nagsusulat ako. I mean kailangan lang kita kapag nagsusulat ako. Tatapusin ko lang ang isang libro ko tapos—"
"Tapos hindi mo na ako guguluhin? Kung papayag ako, ano naman ang makukuha ko sayo?"
Nanlalaki ang mata ko sa tanong niya. Hindi ko naisip ang tanong na ito kanina.
"I'll pay you? Hindi nga lang malaki—"
"Marami akong pera," he cut me off. Napakagat labi ako habang nag-iisip ng ibang pwedeng i-offer. "Ibigay mo sa akin ang katawan mo, Ibibigay ko sayo ang serbisyo ko."
Mabilis akong umiling ngunit natigil rin ng tumayo siya. Tiningnan ko lamang siya habang may kinukuha sa kanyang bulsa.
"Iyon lang ang gusto kong kapalit mula sa'yo. Kapag nakapag-desisyon ka na, tawagan mo lang ako," nakangisi niyang saad.
Tatayo na rin sana ako sa aking kinauupuan nang bigla nitong hinila ang batok ko at dinampian ng halik ang aking nakaawang na labi.
"Taste good." Napahawak ako sa aking dibdib habang nakatingin sa kanyang likuran na palayo na sa akin.
•Gaia•Nakadapa lang ako sa kama habang tinitingnan ang screen ng laptop ko na wala pa ring laman kahit isang salita. Napapikit ako saglit habang inaalala ang mukha ni Clyden."Huy, magandang binibini! Isang linggo mo nang ginagawa 'yan." Napapitlag ako nang marinig ang boses ni Samantha. "Tawagan mo na kasi!"Iminulat ko ang aking mata nang maramdaman ko ang mahinang pagdampi ng isang bagay sa aking braso. Nakita ko roon ang business card ni Clyden kaya kaagad ko iyong kinuha, saglit na tiningnan bago inilagay sa tabi ng laptop ko.Kahit pa sobrang gwapo ni Clyden ay di ko pa rin pwedeng ibigay sa kanya ang katawan ko. Makakakita rin ako ng ibang inspirasyon, dati naman di ko kailangan ng lalaki para lang makapag-sulat."Dahil may boyfriend ka naman noon!" Tiningnan ko si Samantha nang nakataas ang kilay. Naririnig niya ba ang sinasabi ko sa aking isipan? "Huy, baliw!
•Gaea•Pinagmamasdan ko lang si Clyden habang na nakatayo sa aking harapan.Ang gwapo nitong tingnan habang nakapamulsa at kagat ang ibabang labi."Paano tayo magsisimula kung nakaupo ka lang diyan?" Nanlalaki ang mata ko nang marinig ang sinabi niya. "Bakit ang ganda mo pa rin kahit nandidilat ka sa akin?""Are you flirting with me?" Tumawa lang ito at tumabi sa aking kinauupuan. "Sasabihin ko na sayo hindi ako mahuhulog sa ganyan—"Napatigil ako sa pagsasalita nang magdikit ang aming noo. Halos hindi ako makahinga habang nakatingin sa nangungusap niyang mata."Kahit ganito tayo kalapit?" nang-aakit niyang tanong. Napalunok ako at kaagad na iniwas ang tingin sa kanya. Hindi ko kayang salubungin ang kanyang mga mata. "Nahuhulog ka na ba, Miss Gaea?"Mabilis ko itong itinulak palayo sa akin ng hindi ko maintindihan
•Gaea•Kanina pa ako nagsusulat at mabuti na lang at nakapagtapos ako ng anim na chapter ngayon. Mas mabilis ko yatang matatapos ang libro ko ngayon.Bumuntong-hininga ako bago pinuntahan si Clyden na nakatulog na sa sofa. Gusto nito sa kwarto niya ako magsulat dahil pagod daw siya sa trabaho, pero di ko siya pinagbigyan. Hirap ng magtiwala sa manyakis na'to!"Uuwi na ako," saad ko habang tinatapik ang kanyang tuhod. Nagising naman siya kaagad at nagkusot ng mata. Napangiti ako dahil sa itsura. Para itong inosenteng bata na ginigising ng kanyang ina. "Clyden, mag-aayos muna ako ng mga gamit ko sa apartment bago bumalik dito—""Ipagluto mo ako," mahina niyang saad. Tiningnan ko siya nang nakataas ang kilay. Gusto ko sana siyang pagalitan nang bigla nitong hinawakan ang tiyan niya. "Gutom na ako."Inismiran ko siya ngunit pumunta rin naman sa kusina para ipagluto."Matututo pa yata akong mag-alaga ng bata nito," pagpaparinig ko sa kanya. "Clyd
•Gaea•Inimbitahan ko sa loob ng apartment si Clyden dahil hanggang ngayon ay hindi pa rin ito kumakalma. Nakakuyom ang mga kamao nito habang namumula ang buo niyang mukha.Kumuha ako ng maginaw na tubig sa loob ng ref at ibinigay iyon sa kanya. Tiningnan muna niya ang kamay ko na may hawak na baso bago ako tiningala nang nakakunot-noo."Anong gagawin ko d'yan?" Hindi ko siya sinagot sa halip ay kinuha ko ang dalawa niyang kamay at inilagay roon ang baso. "Hindi ako nauuhaw, Gaea—"Umikot ang aking mata bago siya tinaasan ng kilay. "Inumin mo iyan para naman kumalma ka," naiinis kong saad sa kanya. Tiningnan naman ako nito na para bang nababaliw na ako."Kalmado naman ako, ah?" seryoso niyang sambit. Umupo ako sa tabi nito at inakbayan siya, iyong mahigpit na akbay. "Bakit? Ano na naman ang kasalanan ko?"Sa halip na tanggalin
•Gaea•Pagkatapos kong kumain ay bumalik na ako sa kwarto. Kinuha ko ang laptop ko, dumapa sa aking kama at nagsimula nang magsulat. Mas mabilis matapos, mas maayos para makapagpahinga ako kaagad.Pakanta-kanta pa ako habang nagta-type, ngunit nang matigil ako at mabasa ulit ang aking ginagawa ay halos mapatili ako sa sobrang inis. Paano ba naman isinusulat ko iyong ginawa kanina sa akin ni Clyden.Nanayo ang balahibo ko at umupo sa aking kama. Bakit ko ba naiisip ang lalaking iyon bukod sa estranghero siya sa akin ay isa rin siyang pervert."Pretty Gaea?" Napatingin ako sa aking pintuan nang marinig doon ang boses ni Samantha. Hindi pa ako nakakasagot nang binuksan niya ang pinto. Tumingin ito sa akin at bigla na lang kumunot ang kanyang makinis na noo. "Bakit ka namumula d'yan?""Ha?" gulat kong usal at hinawakan ang aking pisngi. Ma
•Gaea• Cheating? Nanlalaki ang mga mata ko di Makapaniwala sa kanyang sinabi. Hindi ko naman aakalain na si Russu pala ang kakilala ni Cybell. "I-I just need to talk to him," nauutal kong saad. Hindi ko mapigilang kabahan lalo na sa mga tinging ipinupukol niya sa akin. "Wait for me." Maglalakad na sana ako papunta kay Russu nang inilagay nito ang kanyang kamay sa aking ulo, at idiniin iyon para di ako makagalaw. Sinamaan ko siya ng tingin. May mga tao pa naman sa loob ng coffee shop at tumitingin sa amin. "Anong ginagawa mo, Clyden?!" inis kong tanong sa kanya. Ngumisi lang siya at mas inilapit ang kanyang ulo sa akin hanggang sa tumama ang kanyang labi sa aking baba na malapit sa kaliwa kong tainga. Nanigas ako sa aking kinatatayuan dahil sa kakaibang pakiramdam na iyon. "I hate it." Kumunot ang noo ko sa sinabi niy
•Gaea•Akala ko ay iuuwi muna ako nito sa apartment para kumuha ng gamit, ngunit bigla itong lumiko sa may Binondo, at huminto sa may Keanston. Kung saan nakapwesto ang kompanyang Lee Empire,Nanlalaki ang mata ko na tumingin sa kanya. "Anong gagawin natin dito, Clyden?" Hindi ako makapaniwalang nasa harapan ako ngayon ng pinakamalaking kompanya sa Y City."Magka-kape?" taas-kilay niyang tanong sa akin. Napangiwi ako dahil sa isinagot niya, sarap lang tampalin iyong pagmu-mukha, nagtatanong nang maayos iyong tao, eh."Alam mo naman na kailangan ko ng pera para sa pamilya ko—" Nahinto ako sa pagsasalita nang tinakpan niya ang aking bibig gamit ang kanyang isang daliri."Give me their number and name of your mom. Iuutos ko na lang sa sekretarya ko," seryoso niyang usal. Tinaasan ko siya ng kilay dahil sa sinabi niya, ano na naman kaya ang kap
•Gaea• Simula nang makaupo si Clyden sa harapan ng kanyang mesa ay pareho na kaming naging abala. Hindi naman ako nagre-reklamo roon, dahil mas gusto ko naman ang tahimik na lugar kapag nagsusulat. Tumayo ako saglit para kumuha ng kape sa pantry. Hindi naman ako nakakatagal sa pagsusulat kapag wala akong kape. Halos makaubos ako ng limang baso sa isang araw. Pagkatapos kong mag-timpla ay bumalik na ako sa sofa, kumunot ang aking noo nang makita si Clyden na nakatayo na ngayon sa may glass window nito at may kausap sa cellphone. Hinayaan ko na lang ito at bumalik na sa aking kinauupuan. Magtitipa na sana ako ulit nang napansin ko na nawala ang cellphone ko na nasa tabi lang ng laptop ko kanina. "Clyden, nakita mo ba rito ang cell—" Napatigil ako sa pagsasalita nang makita ko ang cellphone na hawak niya. Kaparehang-kapareha iyon ng ginagamit ko ngayon. "Cellphone ko ba iyan?"
•CN•Napatingin ako kay daddy na hindi mapirme sa kanyang kinatatayuan. Kahit naikasal na sila dati ay ganoon pa rin ang reaksyon nito ngayon. Walang pinagbago maliban na lang sa amin ni Corrine at ang pagtanda nila mommy ng ilang taon.Labing-limang taon ang lumipas ngunit wala man lang pinagbago sa nararamdaman nilang dalawa. Corrine and I always witness my parents sweetness and love. Sa ilang taon nilang pagsasama may awayan man ngunit hindi ko narinig maski isa sa kanila na nagsabi na maghiwalay, instead I always hear some comforting words.Iyong matatamis na salita ni daddy na nagpapatigil sa pagtatampo ni mommy. Lumingon ako sa may aisle nang marinig ko ang pagkanta ng wedding singer."Kuya, ang ganda ni mommy!" wika ni Corrine sa aking tabi habang nakatitig sa ina namin. Napangiti ako nang makita ang magandang mukha ni mommy. Wala man lang pinagbago sa
•Eychan•Napatingin ako sa dalawang taong kakapasok lang. Nahihiyang naglakad si tita papalapit sa akin habang si Clyden naman na nakasunod dito ay may malapad na ngiti."Kukunin ko lang si CN para makapag-usap kayo nang maayos," usal niya nang makalapit na siya sa akin. Ngumiti ako at tumango sa kanya at pinatayo si CN para mabuhat niya ito. "Kakain muna tayo, big boy, okay? Kailangan natin ng lakas para bantayan si mommy.""Okay po, daddy! Gusto ko pong maging strong para po hindi na ulit masaktan si mommy po." Napangiti ako sa pinag-usapan nilang dalawa at kumaway na sa kanila.Mahina pa ang katawan ko dahil sa nangyaring aksidente, lalo na at kakagising ko pa lang. Pero gusto kong makausap si Tita Letecia hindi ako makatulog hanggat hindi ko ito nakakausap."Gaea, pinapatawag mo raw ako sabi ni Clyden?" mahinahon
•Clyden•Limang oras na ang lumipas at kanina pa ako rito naghihintay ng susundo sa akin ngunit wala namang dumating. Siguro ay naging abala ito sa pagbabantay sa mag-ina ko kaya nakalimutan ni daddy ang pinag-usapan namin kanina.Tiningnan ko ang aking orasan at nang makita ang oras doon ay kaagad na akong nagtawag ng taksi para magpahatid sa hospital na kinaroroonan ni Gaea. Mabilis ang tibok ng aking puso, kinakabahan ako na makita si Gaea sa sitwasyon na kinasasangkutan nito ngayon. Ang pinakaayaw ko pa naman sa lahat ay ang masaktan ito.Simula nang ma-aksidente ito dati ay pinangako ko na sa aking sarili na iingatan ko na siya ngunit heto at nangyari na naman ulit. "Saan po tayo, sir?" tanong ng taxi driver sa akin nang makasakay na ako at maiayos na ang aking mga gamit."Sa Y General Hospital po, kuya," tugon ko sa kanya at kinuha muli ang cellphone
•Third Person•Ang mga mabibilis na yapak ng mga paa dahil sa takbuhan ng mga nurse at pamilya ng pasyente ang mas lalong nagpagulo sa isipan ni Letecia. Hindi siya makapaniwala sa ginawa ni Gaea sa kanya. Sinagip nito ang buhay niya sa kabila ng mga nangyari sa kanila. Hindi ito nagdalawang-isip na ibuwis ang buhay nito kahit halos itakwil na niya ito.Napatingala ang ginang nang makita niya ang pares ng mga paa sa kanyang harapan. Sumalubong sa kanyang paningin ang nurse na puno rin nang pag-aalala ang mukha habang nakatitig dito."Ma'am, ginagamot na po ang daughter-in-law ninyo, kailangan niyo na pong pumunta sa emergency room para magamot din po kayo." Kumunot ang noo ng matanda at hinawakan ang noong itinuro ng nurse.Nanlalaki ang mga mata nito na nakatingin sa kamay niyang may dugo. Hindi nito ito iyon namalayan kanina dahil kaag
•Eychan•Napaatras ako nang akmang sasampalin ako nito. Hindi ako pwedeng lumaban pero kung kaya ko namang iwasan ay gagawin ko naman iyon makalayo lang sa gulo. Hindi porke't hindi ako lalaban ay magpapa-api na ako sa kanya nang ganoon kadali, hindi naman ako martyr lalo na at hindi ko naranasan na saktan ng aking mga magulang."Hindi ko alam kung ano ang nakita ng anak ko sayo para pakasalan ka," nakangisi niyang saad at tinitigan ako mula sa aking paa patungo sa ulo. "Wala ka namang ikakabuga at wala kang panama sa ibang babae na kilala ng pamilya namin."Nasaktan ako sa sinabi nito pero pinipilit ko pa rin ang aking sarili na kumalma. Pwede na nga yata akong patungan ng korona para sa pagiging kalmado ko."Hindi po kasi siya bulag, tita, nakikita niya po iyong hindi niyo nakikita," balik ko sa kanya. Nakita ko ang litid ng ugat sa kanyang leeg nang ikuyom
•Gaea•Nagising ako sa sunod-sunod na katok sa aking pintuan. Tiningnan ko si CN na mahimbing pa rin na natutulog bago marahan na bumaba sa kama. Tinungo ko kaagad ang pintuan at tiningnan kung sino ang kumakatok."Kailangan po kayo?" tanong ko sa kasambahay na nabungaran ko pagbukas ko ng pinto. Ngumiti naman ito sa akin habang tumatango, mas niluwagan ko pa ang pintuan para magkausap kami nang maayos. "Ano po ang kailangan niyo, nay?"Medyo may katandaan na ito kaya iyon na lang ang ini-address ko sa kanya. "Ma'am, pinapatawag na po kayo nila Mr. Lee sa baba. Kakain na raw po, ma'am," pagbibigay-alam niya.Hindi ko aakalain na sabay-sabay pala rito kung mag-umagahan lalo na at sinabi kagabi ng nakausap kong kasambahay ay minsanan lang magkita o nandito ang mga Lee. Sa dami naman ng negosyo nila ay naiintindihan ko naman ang mga ito.&
•Gaea•Napatingin ako sa mag-ama ko na nasa may paanan ng kama. Nakatayo si CN habang nakaluhod naman sa harapan nito si Clyden para mapantayan ang tangkad ng anak namin."Kapag umalis na si daddy magpakabait ka kay mommy, ah?" bilin nito sa anak. Napangiti ako nang mabilis na tumango si CN ngunit kagat-kagat na ang ibabang labi halatang pinipigil ang pag-iyak."Kailan ka po babalik, daddy? Ilang days po ba ang itutulog ko para pag-gising ko po ay nar'yan na po kayo ulit?" inosente nitong tanong.Tumayo si Clyden at binuhat ang anak para dalhin si CN sa kamang kinauupuan ko. Umupo ang una sa aking tabi habang nakapaupo naman sa kanyang binti si CN."Hindi mo lang namamalayan na nakauwi na pala ako. Pangako iyan, anak, just don't count the days para hindi mo maramdaman ang tagal ng paghihintay, okay?"
•Gaea•Ang malagintong bahay nila Clyden ang muling nakapagtigil sa akin sa paglalakad. Hindi ko maiwasang mailang at subukang ihambing ang sarili ko sa kanya.Kahit na nagtra-trabaho na ako ngayon at may malaking sahod ay hindi pa rin iyon maikukumpara sa yaman ng pamilya niya. 'You can't sit with us' parang iyon ang vibes na nakikita ko sa pamilya nila."Are you okay?" tanong niya sa akin nang mahalata ang pagkatigil ko. Malalim akong napabuntong-hininga at hinanap ng aking mga mata ang pamilya niya, ngunit sa sobrang laki ng mansyon ng mga ito ay hindi naman dumapo ang mga mata ko sa isa sa mga pamilya nito. "Kinakabahan ka pa rin ba? Huwag kang mag-alala, babe, nandito lang ako. Sabihin mo lang sa akin kung may problema ka, okay?""Mommy, huwag ka pong mag-alala nandito rin po ako!" Tumango ako at kinurot ang pisngi ni CN.&nb
•Gaea•Nanatiling nakapokus ang aking paningin kay Clyden na paikot-ikot sa buong kwarto. Akala yata nito ay hindi ko siya papayagan kung aalis siya ngayong araw o sa makalawa.Hindi ako sang-ayon sa biglaang pag-alis nito, pero kung gusto kong magkaayos ang buo naming pamilya ay papahintulutan ko ito. Hindi ko rin maatim na masaktan pa ang bestfriend niya dahil sa paglalayas nito. Kung hindi dahil sa amin ni Russu ay hindi naman iyon mangyayari sa kanya, lalo na at may Terrence na nagmamahal dito."Clyden," tawag ko sa kanya. Lumingon naman siya sa akin na puno nang pagtatanong ang mga mata. Marahan kong tinapik ang bakanteng bahagi ng sofa na kinauupuan ko. Hinawakan ko ang kamay niya nang makaupo na siya sa aking tabi. "Kanina ka pa paikot-ikot, babe, may problema ka ba?" tanong ko kahit alam ko naman na ang dahilan nito.Hindi siya u