CO 03:

•Gaea•

Pinagmamasdan ko lang si Clyden habang na nakatayo sa aking harapan. Ang gwapo nitong tingnan habang nakapamulsa at kagat ang ibabang labi.

"Paano tayo magsisimula kung nakaupo ka lang diyan?" Nanlalaki ang mata ko nang marinig ang sinabi niya. "Bakit ang ganda mo pa rin kahit   nandidilat ka sa akin?"

"Are you flirting with me?" Tumawa lang ito at tumabi sa aking kinauupuan. "Sasabihin ko na sayo hindi ako mahuhulog sa ganyan—"

Napatigil ako sa pagsasalita nang magdikit ang aming noo. Halos hindi ako makahinga habang nakatingin sa nangungusap niyang mata.

"Kahit ganito tayo kalapit?" nang-aakit niyang tanong. Napalunok ako at kaagad na iniwas ang tingin sa kanya. Hindi ko kayang salubungin ang kanyang mga mata. "Nahuhulog ka na ba, Miss Gaea?"

Mabilis ko itong itinulak palayo sa akin ng hindi ko maintindihan ang nakakabang pagtibok ng puso ko. Bakit parang naisulat ko na rin ito dati sa isa kong libro?

"Pwede bang lumayo ka sa akin? Alam mo yung space?" Ikinumpas ko ang aking kamay para maintindihan niya ang ibig kong sabihin ng space. Akmang lalapit na naman ito nang hinarang ko ang aking kamay sa gitna naming dalawa. "S-P-A-C—!"

Hindi ko pa natatapos ang aking sinasabi nang hinablot nito ang batok ko at dinampian ang labi ko ng isang mabilis na halik.

"Paraan mo yun ano?" Agad na tumaas ang kaliwa kong kilay sa sumbat niya. Siya na nga itong humalik ako pa ang may kasalanan? "Bakit nakakaakit kang tingnan habang nagsasalita? Nahalikan tuloy kita, halika ka nga rito."

Tinapik ko ang kamay niya na papalapit sa akin at tumayo sa upuan. Delikado ang posisyon namin na iyon baka makuha niya ang tinatago ko. Ang manyakis ng lalaking 'to, sarap sapakin ang mukha.

"Kiss pa lang ang naibibigay mo sa akin, iba yung usapan natin diba?" nakangisi niyang tanong.

"Alam mo ang manyak mo!" nanggigigil ko na rin na balik sa kanya.

Tumayo siya at dahan-dahang lumapit sa akin kaya kaagad din akong humakbang paatras. Baka isang dikit pa nito, di ko na mapigilan ang sarili at malapa ko na ito.

"Ikaw lang naman ang mamanyakin ko—"

"Sabihin mo 'yan sa lahat ng babaeng nakasiping mo. Wait nga may sasabihin nga ako sayo!" Tumigil naman siya sa paglalakad at tumango sa akin para inuudyok ako na ipagpatuloy ang gusto kong sabihin. "Ayaw ko lang na madehado sa offer mo, kaya gusto kong ibigay sayo ang katawan ko pagkatapos kong maisulat ang aking nobela."

Tinaasan ako nito ng kilay bago umismid. Hindi ata sang-ayon sa sinabi. "Paano naman ang sex life ko? Alam mo ba na tatlo sa isang linggo ako naghahanap ng babaeng—"

Tinakpan ko ang aking tenga at tinaas ang aking kamay para patigilin na naman siya sa pagsasalita. Naalala ko tuloy si Russu sa kanya, naghiwalay kami ng una dahil hindi ko maibigay ang gusto niya.

"Hindi naman kita pinipigilan na maghahanap ng babae na magpapaligaya sayo," kalmado kong saad.

"Hindi ka magseselos?" Deretso akong napatingin sa kanyang mata nang marinig ang sinabi niya. Kung si Russu ang kaharap ko ngayon syempre magseselos ako. Boyfriend ko iyon sino ba namang nobya ang hindi magseselos kung may ibang babae ang nobyo mo? "Bakit naman ako magseselos? Wala namang namamagitan sa atin?"

Pero magkaiba ang sitwasyon naming dalawa ni Clyden. Hindi ko siya nobyo at ilang araw lang siyang mananatili sa buhay ko. Pagkatapos kong maisulat ang nobela ko tiyak na magkakalimutan na kaming dalawa.

"So ano? Hindi ka naman lugi roon. Ikaw rin naman ang makakauna sa akin." Tumango siya at humakbang na naman palapit sa akin. Hindi lang isang hakbang ang ginawa nito kundi marami hanggang sa mabangga ang likod ko sa may pader. Napaiwas ako ng tingin nang magtama ang aming mga mata. "Pwede bang lumayo ka sa akin ng kunti—"

"Papayag ako sa isang kondisyon. Mananatili ka dito sa bahay ko hanggang sa matapos ang sinusulat mo. Ikaw ang magluluto at maglilinis ng ng condo, atsaka..." Tiningala ko siya para alamin kung bakit siya tumigil. "Atsaka huwag mong kalimutan na pwede kitang halikan at yakapin."

Magrereklamo pa sana ako nang bigla na naman nitong sinakop ang bibig ko ng malambot niyang labi. Pipikit pa lang sana ako nang lumayo ito sa akin.  Muntika ko pang habuli ang labi nito kung hindi ko napigil ang aking sarili.

"Last offer kung ayaw mo pa rin pwede ka ng umalis," simpleng saad niya bago bumalik sa sofa na para bang walang nangyari. "Bibigyan lamang kita nang limang minuto para pag-isipan ang sinabi ko."

Napakamot ako sa aking ulo at tumalikod sa kanya. But I quickly returned my gaze when I heard my ringtone. Someone's calling me.

Paano napunta roon ang cellphone ko? Pero bago pa ako makapag-isip ay narinig ko na naman ang boses ni Clyden.

"Russu? Sino 'to? At may heart pa talaga," nakaismid nitong sambit. Patakbo akong lumapit sa kanya at hahablutin na sana ang cellphone ko nang hinawakan ako nito sa aking noo at tumayo.

Hanggang balikat niya lang ako kaya kahit anong abot ko sa nakataas niyang kamay ay hindi ko pa rin ito maabot.

"That's my phone. May mga pribadong mensahe—"

"I'm your boyfriend for a week kaya may karapatan akong malaman kung sino ang Russu na ito na nilagyan mo pa ng puso ang pangalan." nakataas kilay niya lintanya.

Napakamot ako sa aking batok at hinayaan na lang siya. Mahal na mahal ko si Russu kaya kahit na nagkahiwalay kami ay hindi ko pa rin pinalitan ang pangalan niya. Naghihintay pa rin ako na bumalik siya sa akin kahit may bago na siyang nobya.

"Anong kailangan mo?" seryosong tanong ni Clyden. Napakagat labi ako habang tinitingnan ang adams apple niya na nagtaas-baba habang nakikipag-usap. "Sino ako? Boyfriend lang naman ako ng babaeng tinatawagan mo ngayon. Huwag ka na ulit tumawag sa kanya. Kaya ko na siyang alagaan, hindi ka na niya kailangan."

Pinatay nito ang tawag bago tumingin sa akin.

"Sa loob ng isang linggo dapat walang Russu na may puso sa buhay mo."

Natampal ko ang aking noo sa sinabi niya. Para siyang nobyo ko na nagtatampo dahil may lalaking nanliligaw sa akin.

"Wala namang tayo—"

"Ipagpatuloy mo pa yang sasabihin mo at hahalikan kita ulit." Nakakunot ang kanyang noo habang sinasabi iyon kaya hindi na ako umimik at umupo na lang sa tabi niya.