CHAPTER 13 (Wounded)

“Umuwi ka na.” Malamig na utos ni Holden sa dalaga.

Nanatiling nakatayo si Solene. Ni hindi niya alam paano maihakbang ang mga paa niya dahil naninigas ang mga iyon sa sakit. Buong katawan niya ay tila nananakit. Kahit hilot yata ay hindi ito makukuha.

“O-Oo.” Tila walang buhay niyang sagot.

Nang maihakbang niya ang kanyang mga paa ay kamuntik pa siyang matumba.

“Hey! Be careful!” tila inis na may pag-aalalang wika ni Holden nang saluhin niya ito.

Habang nasa bisig niya ito ay salubong lang ang kilay niya na nakatingin sa dalaga.

“A-Aray. M-Masakit.” Daing ni Solene saka niya inilayo ang kanyang sarili sa binata.

Puro kasi siya sugat at pasa dahil sa ginawa sa kanya ng grupo ni Isabel. Nananakit ang buo niyang katawan.

“You need to go to the hospital to get treated.” Payo naman nito.

Umiling-iling si Solene. “H-Hindi na. G-Gagaling rin naman ito.” Pagtatanggi pa niya.

“Matigas din talaga ang ulo mo ‘no?”

Wala nang nagawa pa si Holden kundi buhatin ang dalaga na parang bigas. Pinasan ni