Chapter 71

“Rekdi!” Narinig kong gulat na sabi ni kuya Mike pagdating namin sa convenience store kung saan ang meeting place namin bago manood ng game. “Kasama ka pala?” Umismid ako, kunwari pa itong si kuya na nagulat, alam ko naman na gustong gusto nga nila na sumama ang lalaking ito sa amin ngayon. Gusto pa kasi nilang pag initin daw nag tumbong nito kaya prinovoke pa nilang maigi kahapon. Hindi pa sila kuntento sa ginawa nilang pang iinis, kulang pa raw according to kuya Eric na ka-text ko kanina.

“Bakit parang nagulat ka?” balik tanong naman sa kanya ng boyfriend ko. “Ayaw mo ba? Ayaw n’yo ba akong kasama?” tanong niyang pang muli saka tiningnan ang mga taong kasama naming manood na ngayon ay pawang nakatayo sa gilid ng convenience store. Nandito si tatay Matt, si kuya Eric, kuya Mike, direk Juls, ate Raq, kuya Eric at si sir Sam na lahat ay nakatuon sa amin ang pansin. “Papayag ba naman ako na iwan n’yo ako at hindi