Hindi magkandaugaga si Georgina habang bitbit ang malaking bayong at hawak-hawak ng isang kamay ang mahabang palda upang hindi siya madapa saka lalo pang binilisan ang paglalakad. Isang minuto na lang at male-late na siya sa appointment niyang inilaan sa kanya ng madrasta. Ano pa nga ba ang gagawin niya kundi ang makipag-date na naman sa mga lalaking hindi niya kilala na nireto nito. Mabuti sana kung kahit papaano ay disente namang tingnan ang nakakasalamuha niya pero hindi. Bukod sa matatanda na ay para pa ang mga itong nakalunok ng sangkaterbang beer sa laki ng tiyan.
Katulad na lang ng ka-meet up niya ngayon na nakilala niya dahil sa deskripsyon na ipinadala sa kanya ng madrasta. Ang lalaking kaharap niya ay kasing-edad na ng kanyang ama at naninilaw ang ngipin na tila hindi nagto-toothbrush. Kahit sa harap ito ni Georgie, ang palayaw niya, nakaupo ay singhot na singhot niya ang masangsang nitong amoy na parang bulok na isda. Nasa isang kilalang restaurant sila sa Quezon City kaya karamihan sa mga kustomer ay nakatingin sa kanila dahil sa kakaibang ayos nila. Paano kasi ay para siyang manang sa suot niyang mahabang manggas na polo at sayad sa lupa na palda na kulay dilaw. “Ikaw? Ikaw ang anak ni Mitz? Nakakadismaya ka naman, iha. Ang akala ko pa naman isang maganda at seksi ang ipapadala sa akin ng babaeng ‘yon!” magkasalubong ang kilay na turan nito kay Georgie habang titig na titig sa kanya. Halatang-halata ang pagkadismaya at pagkadisgusto sa nagmamantika nitong mukha. Napaismid si Georgie. “Ano’ng tingin ng lalaking ‘to sa sarili nito? Isang adonis na napakakisig at malakas makalaglag panty?! Naiinis na hiyaw niya. Hindi niya rin masisisi ang kaharap kung bakit nagawa siyang laitin nito. Nakasuot siya ng makapal na salamin na hugis parisukat at maitim pa sa uling ang makapal niyang kilay. Ang kanyang labi ay kinulayan niya matingkad na kulay pulang lipstick at sa kapal niyon ay nagkalat na sa kanyang bibig at hindi lang ‘yon. Naglagay rin siya ng pekeng bulutong sa mukha upang lalong mandiri ang katagpo niya. Ginawa ni Georgie ang lahat ng ito upang itago ang kagandahan niya. Nadala na siya sa unang blind date na pinuntahan niya dahil muntikan na siyang halayin ng katagpo dahil sa tunay niyang hitsura. “Mabuti naman po kung ganoon, Uncle.” Ipinagdiinan niya ang huling sinabi. “Nang sa ganoon ay hindi ko na kayo kailangang harapin dahil hindi ko kaya ang masangsang na amoy na binubuga ng bunganga mo.” Matabil ang dila ni Georgie lalo na kapag hindi niya gusto ang kaharap. Hindi lang ‘yon. Nais niyang ipabatid sa kanyang madrasta sa pamamagitan ng lalaking kaharap kung paano niya sinabotahe ang blind date na sinet-up nito. Wala itong pakialam kung sino mang lalaki ang mapapangasawa niya basta ang mahalaga ay masipa siya nito sa mansyon ng mga Lucindo upang marahil ay kamkamin nito ang yaman na dapat ay para sa kanya. “Pangit ka na nga, matalas pa ang dila mo. Pustahan, walang lalaking papatol sa pangit na katulad mo!” Tumaas ang sulok ng labi ni Georgina at nakakalokong tinapunan ito ng tingin. Isinukbit niya sa balikat ang bayong at mabilis na tumayo pero bago iyon ay binalingan niya ang lalaki. “Ipapakita ko sa ‘yo, na kahit ganito ang hitsura ko ay may papatol sa akin dahil maalindog ako.” Nahagip ng kanyang mata ang isang lalaking nakasuot ng kulay maroon na bussiness suit na papalapit sa kinaroroonan niya at kaagad itong nilapitan ni Georgina. Nagulat ang lalaki nang bigla siyang huminto sa harap nito. Kasunod niyon ay hindi na niya binigyan ng pagkakataon ang lalaki na makahuma. Kaagad niya itong hinawakan sa magkabilang pisngi at hinila pababa ang mukha saka mabilis na dinampian ng halik ang labi nito. Pinanganak na matapang at palaban sa kahit anong hamon ng buhay si Georgina. Lalo na magmula nang mamatay ang kanyang ina at nag-asawa ng iba ang kanyang ama. At kapag may taong gustong humamon sa kanya ay hindi niya ito uurungan, katulad na lang ngayon. Nang maghiwalay ang labi nila ay isang malamig na tingin ang ipinukol sa kanya ng kaharap. Hindi maipaliwanag ang ekspresyon ng mukha nito pero hindi umatras si Georgina bagama’t bahagyang nakaramdam nang kaba sa dibdib dahil sa talim ng tingin nito. Ngayon lang niya napansin kung gaano kaguwapo ang lalaking kaharap. Nanghihigop ang matalim na tingin nito at ang makinis na mukha ay kasingdilim ng makapal na ulam na anumang oras ay nagbabadyang bumuhos. “Pasensya na, kailangan ko lang—” “Who the fuck are you to touch me? I dare you to try that again and I will cut off your lips!” mababa ang boses at umiigting ang panga na banta nito. Umangat ang isang kilay ni Georgina. Hindi naapektuhan sa galit ng lalaki. “Sus! OA mo naman. Parang halik lang, eh. As if naman hindi ka pa nakatikim nu’n! Porke ba ganito ang hitsura ko ay wala na akong karapatang manghalik?” Inirapan niya ito saka humalukipkip. Alam niyang mali nga ang ginawa niyang panghahalik dito pero ipaglalaban niya na tama siya. Huwag kang mag-alala, mabango ang bunganga ko. Kahit ang lipstick na gamit ko ay napakamahal, hindi ka na lugi dahil nalasahan mo! “Halik lang? So, kahit sinong lalaki ang haharap sa ‘yo ay basta mo na lang hahalikan? Ganu’n ka na kadesperada dahil wala nang papatol sa ‘yo?” Gaano man katapang si Georgina, malambot pa rin ang puso niya sa masasakit na insulto at nasaktan siya sa sinabi ng lalaki. Walang sali-salitang lumipad ang palad niya sa pisngi nito. The crisp sound of her slap echoed in the entire restaurant and the surroundings became frozen. Naikuyom ni Georgina ang kamao. “Hindi porke’t guwapo ka ay puwede mo nang yurakan ang pagkatao ko. Hindi mo ako kilala para insultuhin nang ganyan. Sa ‘yo na ‘yang halik mo dahil hindi ako interesado!” Mabilis niya itong tinalikuran at nagmamartsang naglakad palabas ng restaurant. Tuluyan nang nasira ang araw niya pero kahit papaano, sa isiping ligtas na naman siya sa blind date na s-in-et-up ng madrasta ay gumaan nang bahagya ang pakiramdam ni Georgina. Hindi pa man siya nakakaapak sa labas ng restaurant ay biglang may pumigil sa braso niya. Mahigpit ang pagkakahawak niyon at wala siyang planong bitiwan. Nang lingunin niya kung sino ay ang guwapo pero supladong lalaking hinalikan niya. “Wait up, lady. Sa tingin mo basta-basta ka na lang makaalis matapos mo akong sampalin? Pagbabayaran mo ang ginawa mo.” Pagkasabi niyon ay biglang may unipormadong kalalakihan ang tumayo sa tabi nito. “Hulihin niyo siya at dalhin sa kotse,” puno ng awtoridad na utos nito. Gustong kaltukan ni Georgina ang sarili. Ano ba ‘tong napasukan ko? Miyembro ba siya ng mafia at gusto niya akong kidnap-in?Ginawa ni Georgina ang lahat para makawala sa pagkakahawak ng lalaki pero malakas ito. Dahil sa matangkad ito at matipuno ang katawan ay parang langgam lamang siya kumpara sa isang elepante. Kahit nagsisisigaw siya upang kunin ang atensyon ng mga dumaraan ay walang pakialam sa kanya ang lalaki at pabagsak siya nitong ipinasok sa loob bago ito sumunod para masiguradong hindi siya makatakas. “Start the car.” Mawtoridad na utos nito sa driver na kaagad namang tumalima. Kahit hindi ito tumingin kay Georgina ay ramdam na ramdam ng dalaga kung gaano kalamig ang emosyon sa mga mata nito nang marinig ang matigas nitong boses.Nang umandar ang sasakyan ay sumunod ang mga tauhan ng lalaki. Ilang kotse rin ang nakasunod sa kanila kaya lalong nagduda si Georgina na miyembro ng isang mafia ang katabi niya. May alam siya sa self-defense, kaya niyang makipaglaban, pero matagal na niyang kinalimutan ang gawaing iyon dahil nagbibigay iyon nang masakit na alala sa kanya. “Saan mo ako dadalhin? Buksa
Lalong lumakas ang ugong sa buong paligid dahil sa sinabi ni Rhett. Ngunit wala siyang pakialam kung ano man ang hitsura ng babaeng nakuha niya. Ang mahalaga ay may maipakilala siya sa madla na babaeng papakasalan tulad ng hiling ng kanyang lolo. Kung hindi lang ito nagpumilit at kung hindi siya nag-aalala sa kalagayan nito ay suntok pa sa buwan na magpapakasal siya. Ibinalik niya sa emcee ang mikropono saka hinawakan ang babae sa braso na hanggang ngayon ay hindi pa niya alam ang pangalan saka ito inalalayan pababa ng stage. Nang makapunta sila sa mesa at makaupo ay pinaupo niya ito sa kanyang tabi at dumukwang upang bumulong sa tainga nito. “Tell me your name,” utos niya. Hindi siya umalis hangga’t hindi ito sumasagot pero ang nakaagaw sa pansin niya ay ang mabangong perfume na gamit nito. Pamilyar na pamilyar sa kanya ang amoy dahil produkto niya iyon at alam niya kung magkano ang presyo ng perfume na gamit nito. It was worth thousands. Ang perfume na ito ay ang bagong collection
Umaga na nang makauwi si Georgina dahil tumuloy siya sa kalapit na hotel upang iwasan ang mga taong humahabol sa kanya. Ang buong akala niya ay payapa na siya pag-uwi pero hindi pala dahil ang kanyang madrasta ang sumalubong sa kanya pagkapasok na pagkapasok pa lang niya sa gate ng mansyon nila. “Napaka-ingrata! Pinahiya mo na naman ako sa kaibigan ko at hindi ka nakipag-date sa kanya?” Malakas na sampal ang kasunod niyon na nagpabiling sa mukha ni Georgina.“Ingrata? Date? Bakit kaya hindi ikaw ang makipag-date sa matandang ulupong na ‘yon?” Nakaangat ang isang kilay na sagot niya. Mapang-asar ang tono ng boses niya pero ang mata niya ay matalim na nakatingin dito. Hinaplos niya ang pisngi na nasampal nito upang tanggalin ang sakit habang pinipigilan ang sarili na huwag itong patulan. Baka hindi niya mapigilan at mabugbog niya ito nang husto na matagal na niyang gustong gawin. “Pasalamat ka at may lalaki pang gustong makipagkita sa ‘yo. Ano pa bang gusto mo at lahat na lang ng n
Limang araw ang matuling lumipas at dumating na nga ang araw na ‘magpapakasal’ kuno si Pia. Habang abala sa paghahanda ang mga tao sa mansyon, si Georgina naman ay nakahilata pa rin sa kama habang naglalaro sa kanyang cellphone. Pero hindi nakatiis ay lumabas siya ng kuwarto at tumambay sa veranda. Mula sa kinatatayuan niya ay kitang-kita niya ang mga tao na abala sa pabalik-balik habang may ginagawang kung ano-ano. Nang tumingin siya sa labas ng gate ay nakita niyang muli ang ilang sasakyang nakahilira na tila ba inihatid ang presidente ng Pilipinas.Hindi nagkaroon ng kaunting interes si Georgina kaya napagpasyahan niyang bumalik sa loob. Akmang tatalikod siya at papasok nang mahagip ng kanyang mata ang ikalawang kotse na nakaparada sa labas ng gate na unti-unting bumaba ang bintana at lumitaw ang guwapong mukha ni Rhett. Nakasuot ito nang salamin kaya hindi niya alam kung sa kanya nakatingin pero nakita niya kung paano tumaas ang sulok ng labi nito. Kaagad na nagbago ang ekspresyo
Gustong katusan ni Georgina ang sarili dahil hindi na naman siya nakahuma habang akay-akay ni Rhett. Wala siyang ideya kung saan siya nito dadalhin at wala ring silbi ang kakulitan niya sa pagtatanong dahil buong biyahe ay tahimik ang lalaki at hindi pinansin ang pagmamaldita niya. Tatlumpong minuto ang nakalipas bago tuluyang huminto ang sasakyan sa harap ng isang magarang mansyon na may limang palapag. Sa sobrang lawak niyon ay hindi alam ni Georgina kung mansyon o palasyo ang nasa harapan niya. Bumaba siya ng kotse pagkahinto niyon at namamanghang pinagmasdan ang malapalasyong mansyon. “Dito ka nakatira?” nanlalaki pa rin ang matang tanong niya kay Rhett. Alam niyang mayaman ang lalaki pero hindi niya akalain na ganito kayaman. Kung tama nga ang hinala niya ay hindi lang perfume ang negosyo ng lalaki. Tinapunan siya nang hindi makapaniwalang tingin ni Rhett. “Kung hindi dito, saan?” nakahalukipkip na tanong nito habang nakataas ang isang kilay.Inirolyo ni Georgina ang mata. “Na
Nang marinig ni Georgina ang sinabi ng ‘asawa’ ay kaagad na naningkit ang kanyang mata. Inilagay niya ang magkabilang braso sa harap ng dibdib upang harangin ang papalapit na katawan nito. “Wala sa usapan natin ‘to,” matigas na anas ni Georgina habang patuloy sa pagharang ang dalawang braso sa dibdib upang hindi makalapit ang mukha ng lalaki. Malakas ito pero kaya niya itong labanan. Hindi man siya aktibo ngayon sa dating trabaho ay hindi naman niya hinahayaan na basta na lang mawawala ang natutunan.“Wala akong sinabing hindi puwede. Mag-asawa tayo at katungkulan mo ang pagbigyan ang pangangailangan ko,” Rhett teases. May nakakalokong ngiti sa mata nito habang ang mukha ay pilit na ibinaba sa kanya nang paunti-unti. Georgina was not scared. Nilabanan niya nang mas nakakalokong ngisi si Rhett saka iniyakap ang dalawang paa sa baywang ng lalaki, at mahigpit na niyakap ang braso sa leeg nito saka mabilis na inikot ang katawan nilang dalawa. Ngayon ay nakapaibabaw na siya rito. “Saa
Chapter:Mapaklang napangiti si Georgina. Ito ang iniiwasan niya sa lahat, ang magkaroon ng kaaway sa bahay ng ibang tao pero tila hindi siya gustong patahimikin at bigyan ng kapayapaan dahil unang araw pa lang ay may gusto na agad sumubok ng kanyang pasensya. Matapos ang hagikhik na narinig ni Georgina ay sinundan iyon ng nang-uuyam na boses mula sa kanyang likuran. “Sa tingin mo may karapatan kang tumira sa pamamahay namin? Eh, ano ngayon kung ikaw ang asawa ng kapatid ko? Hindi ka pa rin nararapat dahil isa ka lang basura na pinulot ng kapatid ko sa isang tabi. Ni hindi ko nga kilala kung saang pamilya ka nanggaling. Hindi ako makapaghintay na pulutin ka sa kangkungan kapag pinalayas ka rito.”Kinalma ni Georgina ang sarili. Nakahanda na sana siya na patulan ito, pero nang marinig na binanggit nito ang salitang kuya ay binura niya ang ideyang patulan ito. Kalmado ang mukha at nakahanda ang pekeng ngiti niya nang humarap siya rito. Basang-basa ang buo niyang katawan at dahil bukas