Limang araw ang matuling lumipas at dumating na nga ang araw na ‘magpapakasal’ kuno si Pia. Habang abala sa paghahanda ang mga tao sa mansyon, si Georgina naman ay nakahilata pa rin sa kama habang naglalaro sa kanyang cellphone. Pero hindi nakatiis ay lumabas siya ng kuwarto at tumambay sa veranda. Mula sa kinatatayuan niya ay kitang-kita niya ang mga tao na abala sa pabalik-balik habang may ginagawang kung ano-ano. Nang tumingin siya sa labas ng gate ay nakita niyang muli ang ilang sasakyang nakahilira na tila ba inihatid ang presidente ng Pilipinas.
Hindi nagkaroon ng kaunting interes si Georgina kaya napagpasyahan niyang bumalik sa loob. Akmang tatalikod siya at papasok nang mahagip ng kanyang mata ang ikalawang kotse na nakaparada sa labas ng gate na unti-unting bumaba ang bintana at lumitaw ang guwapong mukha ni Rhett. Nakasuot ito nang salamin kaya hindi niya alam kung sa kanya nakatingin pero nakita niya kung paano tumaas ang sulok ng labi nito. Kaagad na nagbago ang ekspresyon ng mukha niya at bumakas ang pagkailang. Nang biglang inalis ng lalaki ang suot na salamin ay nagtama ang mata nila ng lalaki. Hindi niya alam kung namumukhaan siya nito dahil sa disguise niya noong una nilang pagkikita pero biglang kinabahan si Georgina dahil sa klase ng titig sa kanya ni Rhett. Dali-dali siyang pumasok sa loob at alam niyang wala siyang takas kung hindi siya aalis ng bahay kaya imbes na humilata ay lumabas siya ng kuwarto at pasekreto siyang tumakas mula sa kusina. “Naghihintay po sa kotse si Mr. Castaneda. Puwede po bang pakitawag si Ms. Lucindo?” Narinig ni Georgina ang isa sa mga tauhan ni Rhett na kausap ang madrasta. Dahil parehong babad na babad ang mga ito sa pag-uusap ay walang may nakapansin sa kanya. Kahit ang mga kasambahay nila ay wala rin sa kusina kaya malaya siyang nakalabas. Malawak ang ngiti niya habang nagtatatakbong umalis ng bahay habang walang tigil na inaasar sa isip si Pia at ang madrasta dahil sa katangahan ng mga ito, pati na rin si Rhett na ang buong akala niya ay maiisahan niya. Dahil ang sumunod na nangyari ay siyang magpapabago nang tuluyan sa buhay niya. Bigla siyang nabangga sa isang matigas na bisig at kung hindi siya nito nahawakan sa braso ay napasubsob siya sa semento. “At saan sa tingin mo ang punta mo, Georgina? Tatakas ka?” Ang pamilyar at malamig na boses na may halong panunudyo ang sumalubong kay Georgina nang umangat siya ng tingin. Lihim siyang napamura. Nakilala siya nito kahit ibang-iba ang hitsura na nakita nito? Nakasuot ang lalaki ng itim na suit, simple pero malakas pa rin ang dating. “Hindi ako si Georgina. May kailangan ba kayo sa kanya, sir? ” pagmamaangan niya. Nagkunwari siyang hindi ito kilala bagama’t alam niya sa sarili niya na kilala na siya nito. “Huwag ka nang mag-deny. Hindi ikaw si Georgina? Kaya pala suot mo ang singsing na bigay ko,” nakaangat ang isang kilay at nang-aasar tanong nito. Sa pagkakataong ito ay hindi na kayang magsinungaling ni Georgina. “Hindi mo ba talaga ako titigilan? Sinabi ko nang hindi ako magpapakasal sa ‘yo. Bakit nandito ka pa rin?” “Hindi pa ba halata na hindi ako sang-ayon sa ‘yo na tanggihan mo ang alok kong kasal?” Gustuhin man ni Georgina na mainis dito nang matagal ay hindi niya magawa dahil ang tono ng lalaki kapag nagsasalita ng tagalog ay nakakatawa. Marahil ay kakauwi lang nito ng Pilipinas at hindi pa gaanong sanay na magsalita ng sariling lengguwahe. “May karapatan akong tumanggi dahil hindi naman kita kilala. Isa pa, iyon.” Itinuro niya ang garahe kung saan nakatayo ang kapatid niyang hilaw habang nakasuot ng puting gown na animoy bonggang-bonggang kasal ang pupuntahan. “Nakita mo ‘yon. Siya ang willing na willing magpakasal sa ‘yo. Bakit hindi siya ang piliin mo?” “You are prettier than her,” mahinang sabi nito pero dinig na dinig ni Georgina. Nang tingnan niya ito ay sa kanya lang ito nakatingin at hindi man lang tinapunan ng tingin si Pia. Nakahawak pa rin ito sa braso niya kaya’t magkalapit ang katawan nila. Nang marinig iyon ni Georgina ay bumilis ang tibok ng kanyang puso at hindi agad makapagsalita. Ilang segundo ang lumipas saka lang siya nakabawi at hinawakan ang kamay ng lalaki saka isa-isang inalis ang daliri nito sa pagkakahawak sa kanya. “Mas maganda siya. Sa katunayan ay isa siyang modelo ng perfume mo. Kaya siya ang pakasalan mo,” giit pa niya. Unti-unti siyang humakbang paatras upang magkaroon ng agwat ang katawan nila dahil pakiramdam niya ay nasu-suffocate siya sa sobrang lapit ng katawan nila. “No. Kung sino ang may suot ng singsing ay siya ang pakakasalan ko,” matigas ang boses na tugon nito. “Ibabalik ko ang singsing mo at ibigay mo sa kanya. Nababagay sa nagpipilantik niyang daliri ang singsing mo.” Sinubukan niyang tanggalin ang singsing pero ni kaunti ay ayaw iyong gumalaw sa daliri niya. “Ano ba itong singsing mo at bakit hindi matanggal?” Ngumisi nang nakakaloko ang lalaki saka ibinulsa ang dalawang palad sa suot nitong pantalon habang nakatingin sa kanya. “Huwag ka nang mag-abala dahil ang espesyal kong langis lang ang makakapagtanggal niyan. At kapag kasal na tayo saka lang iyon lalabas.” Napahinto sa ginagawa si Georgina at naniningkit ang matang tumingin kay Rhett. Isang segundo ang lumipas bago niya nakuha kung ano ang ibig sabihin nito. “Bastos!” Malakas na napahalakhak ang lalaki saka malaki ang hakbang na lumapit sa kanya at mabilis siyang pinangko na parang isang sako ng bigas. Dumaan ito sa backgate upang walang makakita sa kanila saka dumiretso sa nakaabang nitong kotse. Samantala, sa loob ng mansyon ay nag-umpisa nang magtaka ang pamilya Lucindo nang isang oras na ang lumipas ay wala pa rin ang groom. “Pasensya na, Mr. Lucindo. Kasama na po ni Mr. Castaneda si Ms. Lucindo. Kailangan na po naming umalis,” ang paliwanag ni Archer sa ama ni Georgina nang tumawag dito si Rhett. “Ano? Ano’ng kasama? Eh, nandito pa ang anak ko?” hindi makapaniwalang tanong ni Mitz. “Pasensya na po pero wala na kaming magagawa. Basta ang sabi sa amin ni Mr. Castañeda ay kasama na niya ang magiging asawa niya," giit ni Archer. Parang binagsakan ng langit ang mukha ni Pia at ng ina nito, habang si Mr. Lucindo ay hindi alam kung ano ang ire-react, nang marinig ang sinabi ni Archer. Hindi makapaniwala ang mag-ina na naloko sila ng ganito. Umasa pa naman sila na magpapakasal ang anak nila. Pero bakit nag-aya ng kasal si Mr. Castañeda kung hindi naman pala matutuloy? Hanggang sa makaalis ito ay tila tuod ang tatlo na hindi makakilos, lalo na si Pia na nag-resign pa sa trabaho nito para lang magampanan ang pagiging asawa ni Rhett. “Ano na lang ang mangyayari sa akin, ma?”Gustong katusan ni Georgina ang sarili dahil hindi na naman siya nakahuma habang akay-akay ni Rhett. Wala siyang ideya kung saan siya nito dadalhin at wala ring silbi ang kakulitan niya sa pagtatanong dahil buong biyahe ay tahimik ang lalaki at hindi pinansin ang pagmamaldita niya. Tatlumpong minuto ang nakalipas bago tuluyang huminto ang sasakyan sa harap ng isang magarang mansyon na may limang palapag. Sa sobrang lawak niyon ay hindi alam ni Georgina kung mansyon o palasyo ang nasa harapan niya. Bumaba siya ng kotse pagkahinto niyon at namamanghang pinagmasdan ang malapalasyong mansyon. “Dito ka nakatira?” nanlalaki pa rin ang matang tanong niya kay Rhett. Alam niyang mayaman ang lalaki pero hindi niya akalain na ganito kayaman. Kung tama nga ang hinala niya ay hindi lang perfume ang negosyo ng lalaki. Tinapunan siya nang hindi makapaniwalang tingin ni Rhett. “Kung hindi dito, saan?” nakahalukipkip na tanong nito habang nakataas ang isang kilay.Inirolyo ni Georgina ang mata. “Na
Nang marinig ni Georgina ang sinabi ng ‘asawa’ ay kaagad na naningkit ang kanyang mata. Inilagay niya ang magkabilang braso sa harap ng dibdib upang harangin ang papalapit na katawan nito. “Wala sa usapan natin ‘to,” matigas na anas ni Georgina habang patuloy sa pagharang ang dalawang braso sa dibdib upang hindi makalapit ang mukha ng lalaki. Malakas ito pero kaya niya itong labanan. Hindi man siya aktibo ngayon sa dating trabaho ay hindi naman niya hinahayaan na basta na lang mawawala ang natutunan.“Wala akong sinabing hindi puwede. Mag-asawa tayo at katungkulan mo ang pagbigyan ang pangangailangan ko,” Rhett teases. May nakakalokong ngiti sa mata nito habang ang mukha ay pilit na ibinaba sa kanya nang paunti-unti. Georgina was not scared. Nilabanan niya nang mas nakakalokong ngisi si Rhett saka iniyakap ang dalawang paa sa baywang ng lalaki, at mahigpit na niyakap ang braso sa leeg nito saka mabilis na inikot ang katawan nilang dalawa. Ngayon ay nakapaibabaw na siya rito. “Saa
Chapter:Mapaklang napangiti si Georgina. Ito ang iniiwasan niya sa lahat, ang magkaroon ng kaaway sa bahay ng ibang tao pero tila hindi siya gustong patahimikin at bigyan ng kapayapaan dahil unang araw pa lang ay may gusto na agad sumubok ng kanyang pasensya. Matapos ang hagikhik na narinig ni Georgina ay sinundan iyon ng nang-uuyam na boses mula sa kanyang likuran. “Sa tingin mo may karapatan kang tumira sa pamamahay namin? Eh, ano ngayon kung ikaw ang asawa ng kapatid ko? Hindi ka pa rin nararapat dahil isa ka lang basura na pinulot ng kapatid ko sa isang tabi. Ni hindi ko nga kilala kung saang pamilya ka nanggaling. Hindi ako makapaghintay na pulutin ka sa kangkungan kapag pinalayas ka rito.”Kinalma ni Georgina ang sarili. Nakahanda na sana siya na patulan ito, pero nang marinig na binanggit nito ang salitang kuya ay binura niya ang ideyang patulan ito. Kalmado ang mukha at nakahanda ang pekeng ngiti niya nang humarap siya rito. Basang-basa ang buo niyang katawan at dahil bukas
Dahil walang ibang damit na masuot ay walang nagawa si Georgina kundi ang lumabas ng bahay na nakasuot ng polo at boxer ni Rhett. Hanggang hita lang ang haba niyon kaya kitang-kita ang mahaba at mapuputi niyang legs. Wala rin siya suot na bra kaya nang lumabas siya ng kuwarto ni Rhett at bumaba sa salas ay pinagtitinginan siya ng mga kasambahay pero nakataas ang noong nilampasan at hindi pinansin ang mga ito. Napaikot na lang ang kanyang mata nang marinig ang bulungan ng mga ito. Naghihintay na sa kotse sa labas ng gate si Kraven, ang dati niyang kasamahan sa trabaho. Kung hitsura lang ang pag-uusapan ay dumugin din ito ng kababaihan pero iba ang karisma nito keysa sa asawa niya. Kung si Rhett ay yung tipong malamig at suplado, si Kraven naman ay happy-go-lucky. Wala itong ibang hilig kundi makipag-sex, mapababae man o lalaki. Kaya nang makita siya nitong sa kapiranggot na suot ay napasipol ito. “Damn, so hot!” nakangising tukso nito nang makapasok siya sa backseat. “Scram! Nasaan
“Team leader, paano nangyaring nawala ang mga files? Paano ang PPT(powerpoint presentation) na pinaghirapan natin?” Binalingan ni Georgina ang team leader na ka-close niya sa trabaho dahil ito ang tanging tumulong sa kanya habang nangangapa pa siya sa trabaho. Naisuklay niya ang daliri sa medyo basa pang buhok habang nakapameywang ang isang kamay. Kung titingnan si Georgina ng mga taong hindi nakakilala sa kanya ay iisipin ng mga ito na siya ang boss ng kumpanya dahil sa postura niya. Dahil sa matangkad siya, kahit ano’ng istilo ng damit ay naayon sa kanya. Hindi lang ‘yon. Lumulutang ang ganda niya sa ibang mga empleyado kaya marami ang naiinggit sa kanya, lalo na ang pamangkin ng team manager nila na kapareho niyang nasa probationary period. Umiling si Divine, ang team leader, saka walang buhay na napaupo sa upuan nito habang ang kanilang team manager ay patuloy pa rin sa matalas na pagtingin sa kanya. “Hindi ko na alam ang gagawin ko, Georgie. Kailangan na ang PPT ngayon dahil p
“The file is fixed, sir. Maari na po kayong pumunta sa conference room para sa meeting,” malawak ang ngiting nilingon ni Georgina si Rhett. Bahagya niyang itinagilid ang mukha upang ilayo sa mukha nitong nakayuko pa rin. Hindi niya ito sinagot tungkol sa sinabi nito bago muling ibinalik ang atensyon sa file na naayos niya. “I’ll talk to you when we get home,” banta nito na may kasamang mahinang tapik sa kanyang balikat. Nang maramdaman ni Georgina na umalis na ito ay saka lang siya nakahinga nang maluwag na tila nakawala sa isang masikip na hawla. Ni hindi niya binigyang pansin ang pagbabanta nito. Hindi siya natatakot.“Georgie, kilala mo si Mr. Castaneda?” nagtatakang tanong ni Divine at hinila at upuan sa katabing mesa bago umupo sa tabi niya. Huminto ang kamay ni Georgina na nakahawak sa mouse at alanganin ang ngiti na nilingon ang TL. “Kilala? Hindi ah!” matigas na tanggi niya. Magaling siyang magtago ng ekspresyon sa ibang tao, pero bakit pagdating kay Rhett ay nahihirapan s
Next:“May nakalimutan ka!” Napatingin si Georgina sa kamay na pumigil sa pagsara ng elevator at umangat ang isang kilay nang makita kung sino iyon, si Mariella. May bitbit iyong maliit na box at malakas na itinapon sa kanya. “Ang basura mo!” Mabilis ang naging kilos ni Georgina at kaagad na nasalo ang box at nang sinilip niya kung ano ang laman niyon ay ang mga naiwan niyang gamit. Oo, naiwan. Kasi ang file na ibinigay niya kay Divine ay mayroon palang corrupted at hindi niya na-check nang maayos kaya’t nasayang ang oras ni Rhett na pumunta sa kumpanya nila na walang nakuhang maayos na presentation. Madilim ang mukha nito kanina nang lumabas mula sa conference room at kahit siya ay napag-initan din nito. Ang siste, dahil sa pagkakamali niya ay sinibak siya sa trabaho ng kanilang team leader kaya ngayon ay jobless na siya at kailangan niyang maghanap ng ibang trabaho upang abalahin ang sarili. Ayaw niyang araw-araw na manatili sa mansyon ng asawa at makita ang kontrabida nitong ka
Walang ano-ano ay biglang hinila ni Rhett si Georgina at mabilis na pinaupo sa kandungan nito saka isinubsob ang mukha sa malapad nitong dibdib. Ang suit jacket na nakalagay sa hita nito ay ibinalot sa hubad na katawan ni George. Mabuti na lamang at ang taong nagbukas ng pinto ng kotse ay hindi agad-agad yumuko kaya hindi nito nakita ang mukha ng babaeng nakakandong kay Rhett. Ang naabutan nito ay ang nakasubsob na babae sa dibdib ng mayamang lalaki. “Ah-ah— Mr. Castaneda, pasensya na po. Hindi ko alam—”“Scram!” malamig na sigaw ni Rhett sa lalaki saka hinigpitan ang pagkakayakap kay Georgina. Hindi niya alam kung saan kumuha ng lakas ng loob ang lalaking ito na basta-basta na lang buksan ang kotse niya. Kaagad namang lumapit ang assistant at driver na nasa hindi kalayuan nang makita ang komosyon. “Sino ang lalaking ‘yon?” matigas na tanong ni Rhett. Hindi niya pansin na mahigpit pa rin ang pagkakayakap niya sa asawa at dahil wala itong suot na damit ay ramdam niya ang malambot n
“Alam kong gusto mong humingi ng tulong sa kaibigan mo para hanapin si Rhett, but it’s useless. Ibabalik ka lang nila sa mansyon,” ulit ni Olivia habang nasa biyahe na sila. Mabilis ang pagpapatakbo nito ng sasakyan pero hindi nagpakita ng takot si Georgina kahit pa alam niyang nalalagay sa peligro ang buhay niya dahil sa pagsama niya sa babaeng ito. Gusto niya lang makita si Rhett at alamin kung ano ang tunay na kalagayan nito at kung wala na nga ito…“So, bakit ikaw ang nandito? Are you waiting here dahil alam mong lalabas ako?”“Dahil gusto lang kitang isama doon sa lugar na pinangyarihan ng krimen. Dahil katulad mo ay naniniwala akong hindi pa patay si Rhett. At dahil alam kong ikaw lang ang maasahan kong sasama sa akin ay ikaw ang una kong pinuntahan.”Hindi kumbinsido si Georgina sa rason ni Olivia kaya itinaas pa rin niya ang vigilance dito. “Hindi ka ba natatakot baka kung saan kita dalhin?” Biglang tanong ni Olivia nang matagal na namayani ang katahimikan. Sumandal si Geor
Tahimik at kalmadong bumalik sa loob ng bahay si Georgina. Hindi siya sigurado kung tama ang narinig niya na wala na si Rhett kaya hindi niya ito makontak pero ngayon ay napatunayan na niyang may nangyaring masama rito!Hindi niya matanong si Fredrick dahil alam niyang magsisinungaling lang ito sa kanya at naiintindihan niya iyon dahil kalagayan lang niya ang iniisip nito. Kaya si Vaia at Tony ang agad niyang tinawagan pero ni isa sa dalawa ay walang sumasagot sa kanya. Nanginginig ang kamay na lumabas siya ng kuwarto upang kumuha ng tubig at pakalmahin ang sarili pero nang paikot na siya sa kusina ay naulinigan niya ang dalawang kasambahay na nag-uusap. Base sa boses na naririnig niya ay si Manang Sata ito at si Inday.‘Inday, alam mo ba kung ano ang narinig ko?’‘Ano?’ Sagot kaagad ni Inday na mukhang handang-handa sa tsismis.‘Kilala mo naman siguro si Sir Rhett Castaneda, ‘di ba? Ang may-ari ng paborito mong perfume na Nillulf Scents.’Nanatili sa isang sulok si Georgina at tahimi
Hindi ipinanganak si Georgina kahapon para hindi niya malaman na ang emergency na sinasabi ni Fredrick ay walang kinalaman sa kanya. Base sa tingin nito bago umalis ay nahihinuha niyang may hindi magandang nangyari at ang unang sumagi sa isip niya ay si Rhett. Hinaplos niya ang tiyan dahil biglang gumalaw ang kanyang anak, marahil ay nararamdaman nito ang pag-aalala niya. She couldn’t go out and investigate. Her pregnancy is restricting her kaya ang ginawa niya ay tinawagan si Rhett pero hanggang ngayon ay hindi pa rin niya ito makontak. Bago niya matawagan sina Vaia at Tony para alamin kung may nangyari nga ay biglang tumunog ang cellphone niya at si Nathalia ang tumatawag. Agad niya iyong sinagot habang naglakad-lakad sa greenhouse upang alisin ang kaba. Pero ilang segundo na ang nakalipas at wala pa ring nagsasalita sa kabilang linya at nang tingnan iyon ni Georgina ay nakitang pinatay na pala nito ang tawag.Her brows creased and a bad premonition crept inside her. Tinangka niyan
“Totoo nga na ikaw si Chantrea? Ha!” Hindi maipaliwanag ang tuwa sa mukha ni Jerome habang kaharap si Georgina sa hapagkainan nang umagang iyon, este tanghali dahil tanghali na siyang nagising. Masama ang pakiramdam niya dahil nanaginip siya nang masama kagabi at ang buong akala niya ay totoong nangyari iyon kaya ngayon ay medyo sumakit ang ulo niya. Hindi niya pinansin ang excited na si Jerome at hinayaan itong umupo sa tabi niya. Kahit pinagsasandukan siya nito ng pagkain ay hindi niya iyon alintana dahil wala siya sa mood.“Georgina, may problema ba?” biglang tanong ni Fredrick na kakarating lang at umupo sa katapat na mesa. Wala sina lolo Mio at lola Andrea saka ang kanyang ama kaya silang tatlong magkakapatid lang ang naroroon. Masagana ang pagkaing nakahain sa hapagkainan at lahat ng iyon ay paborito niya dahil ni-request iyon ni Fredrick sa mga kasambahay na ipagluto siya ng paborito niyang pagkain. Kahit ganoon ay kaunti pa rin ang kinain niya dahil hindi iyon kinakaya ng si
“Ang sabi mo ay mapapasakamay ko ang poortrait ni MoonLover kapag pumunta kami sa art exhibit pero bakit wala roon noong pumunta kami?” Hindi mapigilan ni Georgina na pagalitan si Rhett nang tumawag ito sa kanya via video call. Kakabalik lang nila sa Maynila at agad na silang dumiretso sa mansyon ng mga Farrington dahil sa pamimilit ni Fredrick. Ni hindi na siya nakapunta sa kanyang opisina. Dahil pagod na rin siya at gusto nang magpahinga ay hindi na rin siya tumanggi. Kakatapos niya lang maligo nang magpasya siyang tawagan si Rhett. Medyo madilim ang background nito at hindi niya alam kung nasaan ito.“Yes, I did say that. But something happened and I couldn’t make it to the exhibition.”Nairolyo ni Georgina ang mga mata sa tila walang pakialam na boses ni Rhett. “Kung nasa sa ‘yo ang painting, ibenta mo na sa akin. How much would that be?”“Not saleable. If you continue with the deal I gave Fredrick I will consider giving it for free.”Patamad na humiga si Georgina. Dahil sa malak
Mabilis na lumabas ng restaurant si Rhett kanina dahil binalitaan siya ni Rick na papunta sa kinaroroonan niya ang tauhan ni Mr. Tai, ang ama ni Olivia. Marahil ay natiktikan siya ni Olivia dahil wala pa siya sa office kaya ginalugad na naman nito ang mundo para mahanap siya. At kapag nakita ng mga itong kasama niya si Georgina ay siguradong sasaktan ng mga ito ang babae. Kahit kaya niyang makipaglaban ay hindi pa rin niya kakayanin ang dose-dosenang kalaban. “Distract them and don’t let them come near Georgina. There will be someone coming to help you if the situation is uncontrollable.”Bumaba ng kotse si Rhett habang kausap pa rin si Rick sa suot na maliit na earpiece. “Don’t worry about it, Rick. Kaya ko na ‘to.” Mabilis niyang pinatay ang tawag at mabilis rin na pinadalhan ng mensahe si Fredrick na huwag palabasin si Georgina. Matapos iyon ay nilapitan niya ang tauhan ni Mr. Tai na kakababa pa lang sa sasakyan. Isang itim na van ang sinakyan ng mga ito at maliban sa driver na n
“Georgie, I told you, it's not like that,” nanghihinang sabi ni Rhett. Tumayo siya sa upuan at lumipat sa tabi ni Georgina bago ginagap ang palad nito at malumanay na nagsalita. Sa sobrang hina ng boses niya ay kinakailangan niyang lumapit kay Georgina para marinig siya nito. Nagulat si Georgina sa ginawa niya at gustong umiwas ng mukha pero hindi ito hinayaan ni Rhett. Hinawakan niya ang baba nito upang magkaharap sila at magtagpo ang mata. He does want to keep things from Georgina, but seeing her hurting and resenting him like this, his heart aches over and over again. Sinabihan na siya ni Rick na kailangan sikreto ang pakikipaglapit niya kay Georgie at kailangang walang makakaalam lalo na sa mga tauhan ni Olivia, para hindi malaman ng mga ito ang kilos niya. “Then what it is, Rhett? Bakit mo ako pinilit na maging fiancée mo kung kasal ka naman pala sa iba?” Hindi kaagad nakasagot si Rhett dahil pumasok ang waiter upang kunin ang order nila pero nanatili ang daliri niya sa pala
Matiim na tinitigan ni Georgina ang lalaking kaharap nang makalabas siya ng penthouse. Nag-aabang ito sa labas ng bahay niya at hinihintay siyang makalabas. Nagpadala sa kanya ng mensahe si Tony na hindi siya nito maipagmamaneho dahil stuck pa rin ito sa opisina kasama si Vaia. Alam niya na importante ang ginagawa ng dalawa kaya naman hinayaan niya ang mga ito. She wanted to hire a grab to send her to the office but Tony insisted that he will send someone to pick her. Habang pinagmamasdan ang lalaki ay naniningkit ang mata ni Georgina. Nakasuot ito ng simpleng puting t-shirt at kupas na maong na pantalon. He wore a baseball cap that was brought down until half of his forehead was covered. Nakasuot din ito ng itim din na mask kaya halos hindi makita ang mukha nito. Ang unang hinala na pumasok sa isip ni Georgina ay si Rhett ang kaharap dahil magkapareho sila nito ng bulto ng katawan pero agad niya ring binura ang ideya na iyon. Hindi magkasundo sina Tony at Rhett para utusan nito ang
Maghapon na nagkulong sa kuwarto si Georgina at upang pakalmahin ang sarili ay nagbasa siya ng libro tungkol sa first time moms. Matapos nga ang hapunan ay muli siyang nagkulong at ipinagpatuloy ang pagbabasa. Pumasok sa kwarto niya si Nathalia para magpaalam na umuwi pero tumango lang si Georgina at hindi nagsalita. Kaya naman lugo ang balikat na lumabas ng penthouse si Nathalia. Biglang pinatawag ni Vaia si Tony kaya naman mag-isa lang siyang bumaba na ikinabigat ng dibdib niya. Umaasa pa naman siyang mag-uusap sila nang matagal ni Tony pero hindi iyon nangyari dahil mayroon daw emergency sa opisina. Hanggang ngayon ay gusto pa rin niya si Tony kahit pa may iba na siyang boyfriend. Umaasa siyang mabaling niya sa iba ang pagtingin niya kay Tony kaya naman sinagot niya si Macario pero kahit ilang buwan na silang nagde-date ay hindi pa rin niya ito nagugustuhan. Bagkus ay lalo lamang nahuhulog ang loob niya kay Tony. “Huh? Is that Tito Rhett?” biglang tanong niya sa sarili nang maka