Kabanata 1.2

Reyna

“Kaya ko,” hingal na ani ko.

Laglag ang panga ni Mamang Paula nang makita ang kabuuan ko. Pakiramdam ko rin tumigil ang paligid para pagmasdan ang pagiging hubad ko.

Oo, parang sasabog ang ulo ko sa sobrang hiya ngunit sa kabila no’n, may bahid ng confidence akong nararamdaman. Tumigil ang lahat para tignan ang katawan ko. Pak! Parang model lang o ‘di kaya beauty queen!

Maganda naman kasi ako. Kumpara sa mga taga-sa’min, maganda na talaga ‘ko. Maganda rin kasi si Mama, ugali lang ang hindi maganda sa kaniya na buti hindi ko namana.

Mahaba, tuwid at bagsak ang itim kong buhok. Medyo maputi rin ako at makinis kahit laking squatter. Dahil siguro sa tatay kong hindi ko kilala. Hindi rin kasi alam ni Mama kung sino bumuntis sa kaniya, e.

In-inspeksiyon ni Mamang Paula ang kabuuan ko. Bagama't gulat, ngumisi siya.

“Hindi naman kailangan hubarin lahat. Pwede naman iwan ang panty at bra…”

Ha?

Tumingin ako sa paligid. Parang huminto ang paligid, lahat laglag ang panga at nakatingin sa’kin. Kung kanina na-boost ang confidence ko, ngayon ay bumulusok dahil tingin ko ay natangahan sila sa’kin.

Shame suddenly washed over me. Ngayon ay mas naging aware ako sa paligid. Lahat ng trabahante ay nakatitig na sa katawan ko. Taas at baba. Parang buffet ng mga paborito nilang pagkain.

Gusto komg takpan ang sarili. Tumakbo o ‘di kaya kainin na lang ng lupa!

“... pero choice mo naman iyan. Kung gusto mo ng maraming tip, pwede mamang hubarin mo lahat,” naiiling na aniya.

“Magkano ho kaya ang kikitain ko?” diretsya ko na agad sa interesanteng bagay bago pa ako mamatay sa kahihiyan.

Bumalik siya sa kaninang couch. Sumunod ako at pinulot ang mga damit ko.

“360 per oras, 6 oras per shift, 4 shifts sa loob ng isang linggo at lahat ng tip sa’yo na. Kapag magaling ka at naging paborito ka dito, puwede ka ilagay sa VIP at puwede ka ring i-bid.”

Dati hindi ako magaling sa Math, pero mabilis kong nakwenta ang sasahurin sa isip. 360 times 6, dalawang libo kada araw tapos times 4, walong libo kada linggo. Ang buong kita sa isang buwan at ang mga tip. Kung s-swertehin, baka makabili ako o magrent ng disente na apartment malayo sa squatter, kay Tiyo Kadyo at Mama.

Umikot roon ang isip ko bago dumako sa mahalagang bagay para sa’kin.

“Pero ayaw ko makipag-sex,” aniko.

“Hindi kasama sa trabaho ng strippers ang sex, ‘wag ka mag-alala. Puwede kang tumanggi o pumayag. Kung hawakan ka nang walang permiso, para doon ang mga bouncer.”

Doon nagsimula na magustuhan ko ang trabaho ko. May sense of pride pa rin dahil puwede akong tumanggi kung ayaw ko. The dancing and stripping makes me feel so sexy without feeling like I'm a downgrade. Sexy at may dignidad. Malayo sa pagiging p****k.

Nagsimula muna ako sa demo sa unang linggo. Pinanood ni Mamang Paula ang unang demo ng performance ko at itinama ang ilang mga bagay. Kagaya nang huwag basta-basta hubarin ang lahat all at once, all the way, dahil may tiyempo dapat. Kung paano mo sila kukunin sa pamamagitan ng mga mata at pagpitik ng beywang. Tamang pag-flip ng hair at mga sexy expression.

Noong una ay medyo nahihiya pa akong sumayaw dahil may mga customers na kumakain at staffs na nagtatrabaho habang nagpa-practice ako sa platform. Hindi kasi nagsasara ang club kahit umaga na. Open pa rin sila sa diners at mga iinom at manood ng performance.

Magsisimula ang unang shift ko ng 1pm, simula sa Linggo, ilang araw mula ngayon. Sabi ni Mamang Paula, puwede akong mapromote at mapunta sa panggabing shift na mas maraming customer na puwedeng magtip. At kung talagang magaling, puwede akong mapunta sa big night, tuwing biyernes, kung saan mayayamang members at galante ang mga customers!

Saka ko na papangarapin ‘yung bidding kapag marami na akong experience. Sa ngayon ay kailangan kong aralin ang mga bagay.

Kasalukuyan akong nanonood ng sexy dance performance sa YouTube habang nagpiprito ng tuyo, tuyo lang muna pero sa susunod fried chicken na ‘to, nangingiting isip ko, nang sumulpot si Mama sa kusina. Nakita niya agad ang pinapanood ko. Hindi na ako nag-abalang itago dahil kumalat naman na ang balita.

Totoong may tainga ang lupa at may pakpak ang balita.

Binigyan niya ako ng nang-uuyam na tingin. “Magpo-p****k ka rin pala, kay yabang-yabang mo pa noong una!”

Hindi ko siya pinansin at binaliktad na lang amg mga tuyo. Dahil doon ay nagpatuloy siya.

“Anong sabi ko sa’yo? Wala kang mararating sa skwelahan. Kung nagpokpok ka noon pa man, matagal ka na sanang nakatulong sa gastusin dito sa bahay, hindi yung pabigat ka lang at sutil! Buti at nauntog ka na at nagising ka na sa katotohanan,” rinig ko ang tuwa sa boses niya.

Gusto kong baliktarin ang kawali, pero na-realize ko na mas gusto kong kumain ng may ulam.

“Mag-aaral pa rin ho ako, mag-iipon lang.”

Napaismid siya. “Sige, magpantasya ka hangga’t gusto mo! Basta ‘wag mong kalimutan ang responsibilidad at ambag mo sa bahay na ‘to! Makabayad ka man lang!”

Napabuntonghininga na lang ako.

Hay! Hindi na ako makapaghintay na makaipon, makaalis sa lugar na ‘to, malayo kay Mama at kay Tiyo Kadyo, at makapag-aral. Ang hirap lumipad kapag may dala kang basang bulak sa mga pakpak.

Sa wakas ay dumating din ang araw na hinintay ko. Linggo. Kabado ako habang naghahanda sa staff’s room. Si Mamang Paula ang nag-ayos sa’kin, makeup, accessories, ayos ng buhok at damit.

Ang suot ko ay hindi pa masyadong revealing kung tutuusin, lalo na kung isasama ang paghuhubad ko noong unang tapak ko sa club.

Isang red turtle neck bra, na parang mas collar pa nga ang dating, makinang dahil sa mga pulang brilyante na nakadikit. At ang terno nitong pulang boxer panty, na natatabunan ng double slitted see-through cover skirt na abot hanggang talampakan ko. Kulay pula rin ang ankle strapped heels. Ang buhok ko naman ay pinlantsa lang kaya mas bagsak lang siya ngayon.

Kahit natatakpan ang mga pribadong parte na dapat ay naka-display para sa trabaho, sexy pa rin ang kabuuan. Hinahighlight ng suot ko ang beywang at ang legs ko.

Sabi nga ni Mamang Paula, huwag all the way, patakamin mo muna haggang maglaway— maulol at magtip o kung sobrang hayok, magbid!

Habang hindi pa nagsisimula ay pinraktis ko na ang mga ekspresyon ko sa salamin. Dahil smokey ang tema ng makeup sa mata, mas lalong naging sultry ang tingin ko. Kahit ako mismo nat-turn on sa sarili ko!

Nahuli akong nasa ganoong disposisyon nang bumalik si Mamang Paula sa staff's room. Nahiya ako lalo na’t may kasama pa siyang tatlong mga babae na tingin ko ay stripper din dahil sa mga postura.

Pinatayo ako ni Mamang Paula at pinaharap sa kanila. Tinignan nila ang kabuuan ko, mula ulo hanggang paa.

Ang nasa gitna ang naunang nagsalita.

“Hmmm… maganda,” mukhang impressed naman na aniya, “Ilang taon ka na?”

“20.”

“Ang bata naman, Madam!” Singhap nung isa.

“Farah, disisais ka lang noong unang sumalang,” ismid ni Mamang Paula.

Wala namang sinabi 'yung isa na humihithit ng sigarilyo. Tingin ko siya ag pinakamaganda. Hindi siya mukhang mataray pero mukhang hindi rin mabait, cold lang.

“Ang lapad ng balakang mo at ang liit ng beywang mo, anong secret?” Siya ulit, 'yung tinawag ni Mamang Paula na Farah.

Akward na ngumisi ako at nagkamot. “Wala naman, kahirapan lang.”

Natawa siya at bahagyang hinampas ang braso ko. Tingin ko ay magkakasundo kami.

“Maganda nga at sexy. Ang tanong, marunong ba?” 'yung sa gitna ulit, mukhang istrikto siya sa mga strippers, nakaka-pressure!

“May experience ka ba?” Tanong niya pa.

“Dancer ako sa school,” kagaya ng sagot ko sa parehong tanong ni Mamang Paula noong interview.

Umismid siya at parang natawa. “Hindi ‘yon, sa chukchakan!”

“Uh…”

Natigilan ako at walang maisagot. Wala kasi akong experience. Kahit pagsasarili, wala.

“Wala kang experience? Mas malaki ang kita kapag may chukchakan.”

Ah… natumbok ko rin ang gusto niya sabihin.

“Stripper ako, hindi pangkama,” may galang na aniko.

Tumikwas ang kilay niya sa sagot ko. At sa unang pagkakataon, nakuha ko ang simpatya no’ng naninigarilyo. Lumapit siya sa dresser, sa gawi ko, at inupos ang sigarilyo niya sa ashtray ni Mamang Paula.

“Ayaw mo ng mas malaking kita?” Tanong niya.

“Gusto. Pero ayaw kong gumaya sa nanay ko. Sasayaw at maghuhubad lang ako para makaipon,” ngiti ko.

Tumango siya. “Kung gano’n, galingan para makaipon ka agad.”

Bumaling siya kay Mamang Paula. “Mauna na ako. May kliyente,” sabay labas sa staff's room.

“Siya si Allison,” muwestra ni Mama sa kalalabas lang. Alisson pala. Ang ganda niya at cool.

“Ito si Angel at Farah. Silang tatlo ang naghahalinhinan sa big night kapag walang bidding,” muwestra ni Mamang Paula sa dalawang naiwan.

Tinaasan lang ako ng kilay ni Angel bago sumunod sa kay Allison.

“Hello sa’yo, Reyna. Galingan mo!” Si Farah habang may maliit na kaway bago sumunod sa kay Angel.

“Handa ka na?” Si Mamang Paula.

Tumango ako, determinado at may gustong patunayan.

Tanaw ko mula sa waiting area sa backstage ang iilang mga cusomer ngayong katanghaliang tapat. Mga nagla-lunch lang at umiinom.

Pumikit ako at napabuga ng hangin.

Regular show lang ito, slay mo ‘yan, girl!

Doja Cat’s song started bellowing from speakers. Lumabas ako sa saktong cue na pinraktis. At ang sumunod na oras, pakiramdam ko hindi ako ang may-ari ng katawan ko.

Kagaya ng sinabi ni Mamang Paula, nagpakilala ako sa mga tao gamit ang balakang ko. Pitik sa kaliwa tapos kanan. Lahat ‘yon para lapitan ang pole.

The cold metal against my palm doesn't kill the passion burning all over my body. Pakiramdam ko ay pinanganak ako para sumayaw. I feel so lost in the music that I think I'm not in control of my body.

Kagaya ng practice, tinignan ko ang iilang customers, sa akin sila nakatingin. Hindi sa masarap at tunay na ulam, kung hindi sa masarap na ako. Napangisi ako at lalong tumaas ang confidence.

On the right cue, I take off the see through covers around my hips. Hinagis ko iyon pababa sa platform. Ang mga sigawan at palakpakan ay nagsilbing main noise sa tainga ko sa halip na ang tugtog na pinraktis ko.

Lalo pang umingay ng tumuwad ako at marahang inalog ang puwet sa mga mukha nila. Humagikgik ako at tinignan sila lampas mula sa balikat ko. Hinawi ko ang buhok at in-expose naman ang shoulder blades ko habang umiikot paharap muli.

Sa gilid ng mga mata ay namataan ko ang mga palapit. Sabi ni Mamang Paula, para sila magbigay ng tip. Isisingit sa suot kong panty o bra. Dapat daw tuloy-tuloy lang ako sa pagsayaw. So I did.

Ang akala kong tip na sana ay naunsiyami pa nang may humatak sa braso ko mula sa kabila.

“ANONG GINAGAWA MO, REYNA?!” Tumalsik sa’kin ang laway ni Tiyo Kadyo.