Chapter 11

“Ang akala ko ay nakalimutan niyo na ako,” ma-dramang saad ni Nanay habang kaharap kaming tatlo nina Dmitri at Drake.

Magkakasama kasi kaming pumasyal ngayon sa bahay ampunan. Nagpasya ring bumili ang kambal ng tatlong malalaking bilao ng pancit, mga tinapay at softdrinks para sa mga bata.

“Puwede po ba iyon?” malambing na sagot ni Drake at yumakap pa kay Nanay, napangiti naman ako kasi ang lambing niya.

“Naku, ang pinakaloko-lokong bata naglalambing na ngayon,” natatawang saad naman ni Nanay Myrna. “Ano, hindi ka ba pinipingot ng mga magulang mo lalo na kapag naliligo ka sa ulan?” tanong pa niya kaya natawa kaming lahat.

“Nay, matanda na po ako,” natatawang sagot din naman ni Drake.

“Puro ka kalokohan noong nandito ka pa. Ito namang kapatid mo pinagtatakpan ka lagi. Kayong dalawa ang sakit sa ulo ko noon,” bulalas pa ni nanay kaya malakas akong natawa.

“Silang dalawa din po iyong mahilig tumakas kapag tangh