Chapter 19

“Sigurado ka na ba talaga na hindi ka sasama bukas?” pangungulit sa akin ni Drake.

Kasalukuyan kasi silang nakatambay ni Dmitri sa rooftop. Nagpasya sila na tambayan na muna ako dahil halos isang linggo rin daw silang mawawala.

Lunes bukas, at lunes ng madaling araw ang flight nila. Kanina pa nga nila ako pinipilit na sumama at paulit ulit na tinatanong para maihabol daw nila ang plane ticket ko.

It’s actually tempting. Pero masyado na akong nahihirapan sa sitwaysong pinasok ko kaya gusto ko munang umiwas sa kanilang dalawa kahit na limang araw lang. Kapag nangyari siguro iyon ay mas magiging klaro ang isip ko sa kung ano ba talaga ang kailangan kong gawin.

“Hindi na talaga, Drake. Okay lang ako. At isa pa, ilang araw na ako na laging nag-a-undertime sa coffee shop. Nakakahiya naman kay Ate Gigi kung mawawala pa ako ng limang araw,” sagot ko naman. “Maghihintay rin kasi ako ng mga tawag simula bukas mula sa mga kompanya na in-apply-a