Chapter 15

Hindi ko maiwasan ang hindi kabahan lalo na’t nakatanggap ako ng mensahe kay Dmitri, ang sabi niya ay ngayong araw daw uuwi si Drake. Kasalukuyan akong nasa coffee shop at nagtatrabaho pa rin kasama si Ate Gigi.

So Roy kasi ay umalis na sa coffee shop, ako naman ay nakiusap kay Ate na kung puwedeng manatili muna ako hanggang sa makanahap na ako ng trabaho. Pumayag naman siya.

May mga ilang kompanya na ang tumawag sa akin, ilang beses na rin akong na-interview pero ang lagi nilang sinasabi ay tatawagan na lang nila ako. Naghihintay ako, pero hanggang sa ngayon ay wala pa rin akong natatanggap na tawag mula sa mga kompanyang iyon.

“Ate, CR lang ako,” paalam ko kay Ate Gigi, ngumiti naman siya at tumango.

Agad naman na akong tumayo at pumasok sa pinto, nasa may bandang kusina kasi ang CR. Sa totoo lang ay gusto ko lang namang maghilamos kasi inaantok ako. Hindi ko maintindihan pero lagi akong hirap na makatulog nitong mga nakaraang gabi