Chapter 10

Halos hindi na nga nakapagsuklay si Rey Jhon, nagkukumahog siyang makapunta agad sa bahay ng senyorita na matanda naman na sana pero kailangan pa niyang bantayan. Pero naiintindihan naman niya ang Don kung bakit gusto nitong may bantay ang nag-iisa nitong unica hija, sa pagiging maldita palang nito ay sapat na dahilan na iyon para hindi makampante ang Don. Napailing na lang siya, mga spoiled brat nga naman.

Nang makita niyang pumatak na ang alas-siyete sa suot niyang relo ay agad na dumaloy ang mainit na dugo sa kaniyang utak patungo sa mga paa niya. Nakalimutan niya tuloy magsuklay. Ang ganda naman ng simula ng araw niya. Wala na talagang ginawang matino sa buhay niya si Gabriella. Ang swerte-swerte niya talaga.

Lunes na Lunes pero pakiramdam niya ay Biyernes na. Maliban sa wala ng laman ang wallet niya ay daig pa niya ang na-hold-up nang ganito kaaga. Sabog na nga ang buhok niya, nadumihan pa ang puti niyang polo.

"Lord, ano ba namang kamalasan 'to?" Tanong niya na para bang may sa