CHAPTER 88

NALIE ATHALIA...

"Nay!" sigaw n'ya ng makita na nawalan ng malay ang kan'yang ina. Mabuti na lang at maagap s'ya sa pagsalo dito at hindi ito tuloyan na nabuwal sa lupa. Bigla na lamang itong nawalan ng malay ng marinig ang balitang hatid ni Aling Perlita tungkol sa kan'yang ama na kanina pa nila hinihintay na umuwi.

"Nalie sandali lang at tutulongan kita na maipasok sa loob ng bahay n'yo ang nanay mo," boluntaryo ni Aling Perlita na agad na nilagay ang lampara na dala sa upoan at dinaluhan s'ya para tulongan na maipasok sa loob ang kan'yang ina.

Kahit mahirap dahil parehong walang lakas ay ginawa nila ang lahat para maipasok sa loob ng bahay ang walang malay na nanay. Pinahiga nila ito sa kawayan na upoan sa sala ng kanilang bahay.

Agad na kumuha ng pamaypay ang matandang kasama at pinaypayan ang kan'yang nanay.

"Nalie maghanap ka ng pwedeng maipahid sa nanay mo para madali s'yang magising mula sa pagkawala ng kan'yang malay," utos sa kan'ya ni Aling Perlita.

Dali-dali naman s'yang